73歲郭鋒走出喪妻陰霾因「再婚」！與歐陽佩珊再立婚約 回家後必定做一件事
發佈時間：20:30 2024-11-17
入行超過半世紀的73歲老戲骨郭鋒，最近在劇集《黑色月光》上飾演演富商「卓昊天」，奸到出汁的演技成功掀動網民神經。私下郭鋒是「愛妻號」，當年因拍《無語問蒼天》與太太歐陽佩珊結緣，兩人結婚40年形影不離，不過太太在2017年不敵癌魔離世，大受打擊的郭鋒一度神隱，直到近年才復出，直到一次「再婚」，郭鋒終於重新振作。
相關閱讀：72歲郭鋒大馬現身真實狀態令人驚訝 金句王被奉為人生導師紛求教一件事
郭鋒「再婚」後終於重新振作：
郭鋒的演藝生涯上，曾塑造過多個經典角色，如《創世紀》中的霍景良、《尋秦記》中的呂不韋等，不過私下是「愛妻號」，當時因拍《無語問蒼天》而認識了歐陽佩珊，二人於1977年結婚，婚後形影不離，想不到在2017年，太太不敵癌魔離世，郭鋒曾在訪問上表示人生跌入谷底：「因為太太出咗事，本來我同TVB仲有兩套部頭，嗰時係散簽，唔得，我真係做唔到，心情唔得；埋唔到位，思潮太犀利。」郭鋒又指當時的親人及朋友也十分關心他，尤其是太太的學生：「佢哋好關心我，亦都好擔心我，因嗰時我真係跌咗落去。」
日前郭鋒接受傳媒訪問，重提太太離世當日，他說：「我喺醫院到大嗌，點解唔發生喺我身上，佢個人咁好，點會發呢件事⋯⋯原來有啲嘢唔到你，上天一早安排咗。」大受打擊的郭鋒，兩年後因為一次參加教會舉行的以色列旅行，有團友在當地舉行簽約婚書行禮，郭鋒亦為太太訂下一張新的婚約，跟太太再次結婚，這次「再婚」後，令郭鋒放鬆了很多：「而家返到我屋企我會講『老婆我返嚟喇』，夜晚臨瞓前祈禱，講下今日發生嘅事⋯⋯以前太太陪我一齊行山，而家佢要坐低抖下，我要一個人好好咁行落去。」郭鋒還稱家中的陳設，與當年太太在世時一樣。
郭鋒自爆慘被TVB視后打到甩牙？
郭鋒曾說過家庭是自己人生中最大的得著：「好幸運，事業令到我認識咗我太太，呢個係天意一個安排。」郭鋒還感激太太改變了自己：「我好火爆㗎，每次脾氣一嚟嗰陣，太太就會問我『做乜呀？畀把刀你好唔好？』佢令我慢慢知道發脾氣冇用，可能對方都唔係有心咁做呢？」太太離世後，郭鋒一度茶飯不思：「心理影響生理，你唔會覺得肚餓、口渴，眼瞓⋯⋯可能有啲人覺得都係咁嘅啫，但針唔拮到肉唔知痛，我好多謝我啲朋友，佢哋令我冇咁憂鬱，我亦提自己唔好諗衰嘢，老婆睇住我，放低，好好咁行之後嘅路。」
其他文章：
73歲郭鋒遭掌摑控訴被TVB視后打甩牙 大方回應：我唔出聲啫
72歲郭鋒兩鬢斑白約後輩擦蟹 對亡妻極深情傷心到停工早前出山拍劇
72歲郭鋒驚喜再拍劇與兩視后鬥戲 曾因太掛念亡妻難投入演出終現歡顏
