鄧兆尊爆被女藝人要求揸胸增上圍嫌疑人呼之欲出再揭有人真空著肚兜勾引

更新時間：21:00 2024-11-19
發佈時間：21:00 2024-11-19

江美儀、吳家樂主持梁思浩的網台節目《娛樂好好玩》，昨日（18日）一集邀請鄧兆尊做嘉賓，二人不斷笠高帽指鄧兆尊敢言，大爆圈中女星主動埋身的事件，不但有人要求用手幫助豐胸，也有人真空打扮疑主動勾引，被鄧兆尊逐一婉拒。

鄧兆尊爆料女藝人主動勾引有幾誇？

鄧兆尊在節目中，被江美儀問喜歡甚麼類型，鄧兆尊直言：「肥肥嘟嘟嗰啲咪得囉」，江美儀立即追問是否上圍豐滿類型，鄧兆尊否認並笑言：「可以操出嚟，我有一個操波聖手。」更舉例曾有女星想豐胸，向他提出一個要求：「嗰陣曾有一個女同事，嗰陣見我身邊有個、依家老婆啦，身材好差A Cup咁啦，（你啲老婆身材差咩？）係呀！識咗我之後變好囉，明唔明呀！之後有一日（女同事）食嘢埋嚟不如你幫吓我手丫，你想要咩？不如你幫我捽大佢丫。」鄧兆尊當場拒絕，更爆名指該女星姓趙。

鄧兆尊暗示嫌疑女藝人身份

兩位主持追問「趙小姐」是否仍在做娛樂圈，鄧兆尊直言：「嗰個趙小姐，冇做喇。」由於鄧兆尊在《皆大歡喜》與趙學而、趙靜儀合作，二人即成為嫌疑人。趙學而將於12月假麥花臣場館舉行《趙學而50 Plus演唱會》，慶祝今年入行30年。而趙靜儀於2012年約滿TVB，《蘭花刼》是其播出的最後一部劇集。

江美儀爆料亞視女藝人出位事件：

另外，網民又問TVB有不少女星喜歡鄧兆尊，會用甚麼方式示好？鄧兆尊透露曾有女星表現大膽：「嘩！有一個好厲害，我記得拍緊古裝，咁啲女仔咪要著肚兜嘅，居然有一個真空，喺我隔籬彈吓彈吓，彈咗過嚟，我坐咗喺度，可唔可以幫我綁吓條帶呀。（咁你有冇綁呀？）冇，我話你過去後面啦，有女服裝幫你綁㗎喇，好暈呀！喺度彈。你（吳家樂）一定識，好身材嘅。」