鄧兆尊自爆被陳彥行反追 獲曾勵珍做媒人：行姐阿媽流晒口水望住我 追傅明憲被梁姓男星阻止
發佈時間：10:00 2024-11-20
57歲的鄧兆尊是億萬星二代兼二世祖，多金又多女，因愛行穌咇甚至有三位女友而被稱為「現代韋小寶」。前晚（18日）鄧兆尊作客吳家樂與江美儀在YouTube頻道的直播節目《娛樂好好玩》，大爆與自己相關的緋聞，他坦言沒有追求陳彥行，反指對方追求他，「陳彥行阿媽見到我流晒口水！」
相關閱讀：鄧兆尊爆被女藝人要求揸胸增上圍 嫌疑人呼之欲出 再揭有人真空著肚兜勾引
鄧兆尊爆料指被曾陳彥行反追？
鄧兆尊前晚（18日）在吳家樂與江美儀主持的直播節目《娛樂好好玩》中，被吳家樂問到有否追求陳彥行？他笑說：「坦白講，冇追過！」（吳：佢有冇追你？）行姐有冇追我？有少少嘅，嗱！行姐睇住我都咁講，有一個節目喺亞視，佢直程喺個live度講，『如果而家再畀一次機會你追我，你追唔追？』我話唔追！」
鄧兆尊自爆陳彥行反追他
鄧兆尊續指，「佢都有叫少少追過㗎！拍緊《皆大》時有追過，有嬲過我，因為我同佢做夫妻，但現實我冇同佢做到夫妻，佢就嬲我喇！我唔係唔接受佢，行姐好女仔嚟，係我嘅睇法，我睇落去好似幾好女仔啦！有樣有身材，個人又傻傻地，好難得㗎嘛！只不過嗰時我已經有兩個女朋友啦嘛！」
鄧兆尊女友要求陳彥行斟茶
鄧兆尊繼續爆料，「嗰時唔知做啲咩騷，阿行同家燕姐嚟我屋企排嘢，我屋企嗰個（女朋友）就話『咦！你叫行姐落嚟打招呼，你都係時候叫行姐落嚟斟杯茶我飲吓啦！既然入得嚟…』我話入咩嚟，入門口就入咗嚟，唔好亂嚟！幾尷尬呀！」
重溫陳彥行緋聞情史？
陳彥行媽媽見到鄧兆尊流晒口水
鄧兆尊笑稱有一次收工返到屋企收到曾勵珍電話，對方指他女朋友生日要他立即買份禮物去銅鑼灣，「我女朋友生日我知，唔係呀！『你戲入面嘅女朋友生日』你知嗰陣時唔可以抗拒珍姐，我喺沙田揸架車入銅鑼灣，去咗行姐阿媽個鋪頭，見到行姐個阿媽流晒口水望住我，『隨便坐、隨便坐』」鄧兆尊坐了一輪才可以離開，他笑稱曾勵珍是媒人，「珍姐好明顯係擺我上台嘅媒人，可能佢返去揭過我個file，《皆大》徵角時，『呢件好嘢，入咗嚟咁多年冇緋聞，佢又幾好，屋企有家底，又冇同女明星拍拖……』
鄧兆尊被梁姓藝人阻止追傅明憲
之後江美儀問到是否曾經狂追傅明憲？鄧兆尊斬釘截鐵說：「冇，更加冇！（有）諗過，嗰陣時諗一諗啫！就有人同我講『我㗎！你唔好追喇！』我個人比較蠢，我好徵求人哋同意，我周圍問，問吓服裝梳頭呢個好唔好？阿燕（服裝部）『唔好喇！你唔掂喇！嗰幾個已經追緊喇！』咁我睇吓啦！」吳家樂與江美儀夾攻追問下，鄧兆尊爆響口對方姓梁，「我同佢拍埋同一套劇，做過濟公，自己諗吓，播出街冇重播，車嗰啲緋聞，我要去學習，我都未學習到，車買咗冇人幫我練習，冇人同我震……」疑似暗示對方是梁榮忠。
不過鄧兆尊指當時考慮追求一名女星，卻突然行衰運，譬如被偷車、遺失財物等，及後他經一名化妝師提點，指他想追求的女星八字不好，「佢話佢好似會黑到追佢嘅人，佢話唔信你睇吓，另一個得到手嗰個呢，唔見咗架車，我放棄咗呢個念頭之後，架車又搵返。追到嗰個咩都搵唔返，仲要事業一落千丈，佢老公又坐咗監，可能有少少……我唔敢肯定，我只係諗吓，旁觀都有少少（中招）。」未知他此處所指想追的人是不是傅明憲。
其他文章：
鄧兆尊驚爆有位豐腴四奶？享齊人之福多年突爆有「老婆」 拍拖片流出竟有驚人情慾畫面
陳彥行認秘密產女字眼洩感情狀態？曾傳暗撻鄧兆尊 被指倒貼送貨司機因第三者分手
直播靈接觸丨鄧兆尊三奶表演狐仙上身姣樣盡現？ 請神「現身」爆秘密靈力驚人
鄧兆尊自爆曾被女演員維修為名邀上門 以性感內衣恭候：好明顯係一個局
