伍仲衡51歲生日同網民開拖！公開容貌轟醜樣後彈弓手刪Po 因一句說話火遮眼
發佈時間：22:37 2024-11-22
陳煒日前貼出與《中年好聲音》歌手顏志恒的合照，原來兩人是同日出生，更意想不到的是，作為評審的伍仲衡與陳煒竟是同年同月同日生。伍仲衡今日（22日）搞生日派對慶祝51歲生日，與顏志恒及等700人慶祝，同兩人粉絲以及《中年》家族熱鬧慶祝，更會有抽獎送禮物。本來開開心賀壽，不過伍仲衡卻發火與網民開拖。
《中年》評審伍仲衡同網民開拖
伍仲衡近日在Facebook出Po，貼出有一位網民的留言「700條水魚」，不少粉絲即回覆指只是食飯聚會，不覺得自己是水魚，伍仲衡則留言解釋：「酒席每席$6,000，租樂器音響+5人樂隊開支幾萬啦，仲有大量禮物抽獎，玩遊戲又有歌聽，每位只收$680，點水魚呀！你返火星住啦，不知所謂！生日都要開你拖！」伍仲衡更不留情面批評對方，並公向其樣貌寫道：「真係生日都要開你拖，入嚟我度搞事？未死過！大家認住呢件物體，醜樣嘅人見得多，真係未見過連個心都咁Q醜樣，個嘴真係似水魚。You are what you said!!」不過，伍仲衡其後卻刪除帖文，選擇息事寧人。
相關閲讀：中年好聲音3丨布志綸否認頂海兒想跟伍仲衡多交流 鍾凱瑩直言PK賽殘忍 羅逸軒有信心打動Alan
《中年》評審伍仲衡同網民開拖？
伍仲衡去年筵開33席舉行「入伍生日會」
與太太的生日只差一天的伍仲衡，去年於黃埔筵開33席舉行「入伍生日會」，《中年好聲音》學員及評審包括肥媽、周國豐、周吉佩、顏志恒、吳大強及林志美等亦有前來祝賀。肥媽與「黑妹」李麗霞為伍仲衡送上利是、周吉佩與李佳送酒，至於支嚳儀親手做了一個三層CD蛋糕給壽星，伍仲衡還為與他同日生日的顏志恒準備蛋糕。
相關閲讀：《中2生》4子跳中佬版《愛情當入樽》 甘永傑與蔡卓妍原來識咗30年 梁浩賢與譚俊彥互相見證高山低谷
陳煒與伍仲衡同年同月同日生？
伍仲衡與顏志恒舉行「NCH 1122 BIRTHDAY PARTY」
同是本月21日生日的伍仲衡與顏志恒今晚（22日）在九龍灣延開56圍舉行「NCH 1122 BIRTHDAY PARTY」，與700名fans一同慶祝生日，兩人在生日會上也有high爆一起唱歌。日前有網民留言指今次這個生日會掠水，更指有「700條水魚」，搞到伍仲衡嬲爆，與該網民開拖，伍仲衡受訪時指這位網民經常到處鬧《中年好聲音》的人：「佢知唔知一圍成六千幾蚊？仲準備咗好多禮物，樂隊、台、燈、聲呢？租要幾錢？每位粉絲只係收$680竟然仲話我哋掠水，叫佢返火星，不知所謂，同埋係自願參與，冇強迫，生日會亦唔係為咗賺錢，亦都冇錢賺，只係想同大家開party。（Block佢？）佢應該唔敢入嚟。」
相關閲讀：《中年好聲音》評審伍仲衡加入《愛回家》成熊家成員？三舊將驚喜回歸
伍仲衡希望老婆減肥成功
伍仲衡又透露今年最好的生日禮物，是剛簽了《校園好聲音-唱響中國》大學生歌唱比賽冠軍洪心怡：「廿幾年前想簽王菀之，但當時冇能力，呢個新人好有潛質，老婆會負責做經理人工作，我就會負責佢音樂方面。（成就可追上王菀之？）咁就唔好比較，每一個人際遇唔同，但對佢好有信心。」至於生日願望，51歲生日的伍仲衡希望老婆減肥成功：「佢好想瘦，結婚後有幸福肥，但知佢內心唔開心，但佢肥瘦我都咁愛佢。」而45歲生日的顏志恒則想增肥30磅，這樣看上去會好看點，他也透露今晚與伍仲衡身穿的外套是自己設計，將它送給伍Sir當生日禮物。
