蔡思貝《與天地對話》自揭人生低潮期！因一年冇拍劇懷疑人生 壓力過大崩潰爆喊兼出現幻聽
發佈時間：15:45 2024-11-26
【與天地對話／蔡思貝／姜皓文／台慶2024】TVB綜藝節目《與天地對話》於上周播出，繼姜皓文談到小時候的遭遇，姜皓文感觸落下男兒淚，一度要cut機冷靜情緒後，視后蔡思貝緊接登場。𠝥昨晚（25日）播出的一集，踏足神秘孤島—索科特拉島，原來蔡思貝已經有一年沒有拍劇，為此她坦言懷疑人生，她更自爆有容貌及身形焦慮。
與天地對話丨蔡思貝一年沒有拍劇
TVB全新綜藝節目《與天地對話》共有十四集並由鍾鎮濤聲音導航，今次邀請了姜皓文、林盛斌、蔡思貝和余文樂四位嘉賓輪流登場。本周第二位登場嘉賓是蔡思貝，今次她首度踏神秘孤島—索科特拉島，蔡思貝不但體驗在詭秘的「龍血樹森林」露營看日 出，又試塗索科特拉島的獨有品種龍血樹的天然汁液，這些鮮紅汁液其實是龍血樹的樹脂，可以用作提煉成名貴藥材血竭，用作治療外傷瘀腫，活血止痛。島民還會將血色樹脂製成油漆、顏料、口紅、防腐劑等化學品，也會用來為羊毛染色。
相關閱讀：姜皓文稱從未見過生父 罕談身世流男兒淚 需停機冷靜情緒：曾跟過養父姓
與天地對話丨蔡思貝因一事不敢與人相處？
現年33歲的蔡思貝（Sisley）是2013年港姐亞軍，入行後備受TVB力捧，演出過多套劇集 ，在2020年憑劇集《踩過界2》榮升視后，是首位以29歲之齡成為「90後」視后。但人紅是非自然多，蔡思貝多年來因是非、緋聞纏身而引起不少爭議。今次蔡思貝在《與天地對話》主動重提到入行兩年便在劇集《衝線》擔正女主角，可惜劇集推出後負評如潮，蔡思貝說：「嗰陣好多人都話我把聲好刺耳同好高音，睇返先知原來我真係好高音，可能會擔心下一部戲拍出嚟嘅聲線都會係咁？我諗自己一時三刻都未必做到大家想要嘅標準。」
相關閱讀：TVB視后蔡思貝與高顏值餅印靚媽撐枱腳 互做一舉動盡晒母女好感情
不過多年來被指介入王浩信及陳自瑤婚姻，蔡思貝年初被大批網民在TVB高層樂易玲的小紅書上留言抨擊，不單聲稱不想見到蔡思貝，甚至有人留言叫樂易玲「別找蔡思貝演戲」，但蔡思貝一於少理，仍然積極經營內地社交平台。在節目上，蔡思貝透露已有一整年時間沒有拍劇：「有時我都會諗，係咪已經唔再需要我？如果我放假乜都唔做，我會有罪惡感，呢一年我冇休息過，希望自己喺各方面有進步，我好深信會有好正嘅角色等緊我。」
相關閱讀：姜皓文受生理問題困擾！獲妻勸睇醫生 曾自責令弟妹住兒童院？
與天地對話丨蔡思貝與高顏值餅印媽成餅印：
對於會否曾因怕自己成為異類而改變自己迎會世俗？蔡思貝說：「我係好隨心入娛樂圈發展，亦冇幻想娛樂圈究竟係點樣，只係細個睇娛樂雜誌，唔明白點解食飯都要『私私縮縮』？當自己喺嗰個位置，唔係男就係女，但原來呢種想法喺娛樂圈係唔可行，因為最後受傷害嘅係自己。我好怕同人建立關係，我自以為係咁，但原來唔係咁，所以變相我唔識同人相處，先係最好嘅方法。」經歷過後，蔡思貝說：「我要學識放鬆，即使我想將所有嘢都揸得好緊，想控制得好好，但其實最後個天都想叫你放鬆啲，交畀佢，所以最後都係交返畀個天。」
與天地對話丨蔡思貝入行被期曾出現幻聽及幻覺
蔡思貝亦有跟披著神秘面紗的原住民參觀居住環境，並對當地女性原住民披面紗仍能遇到真愛大表驚歎，並認同愛情靠心靈交流建立更能維繫：「大家都會老、 有皺紋，唔靚仔靚女嘅一日。無論我或對方變成點，到 at the end of the day 只要 大家心連心，靈魂係相連就 OK。」蔡思貝自揭有容貌及身形焦慮，連私底下素顏着 T 恤，有時連 full make up 造型也會有類似感受：「係咪少少瑕疵都唔容許 （自己好）呢？下下都會挑剔自己唔夠好…」蔡思貝直言初入行曾一度壓力大至出現幻聽及幻覺，瞓上床後竟然會聽到「Roll 機，3、2、1，action」；亦曾試過有一年台慶過後，準備駕車回家時在停車場內崩潰爆喊：「好攰，見到好多人嗰種心理壓力好大，嗰次好似失咗控咁，都幾深刻！」
