中年好聲音3丨「御用老臨」尤志豪晉級無望稱遇不可抗力因素：由天堂跌返落地獄

TVB節目《中年好聲音3》在周日（24日）播出的一集，香港賽區、大灣區及新馬區60強選手進行大混戰，14位選手中有兩位選手奪5燈直接晉級，分別是5燈張與辰和5燈李金凱，不過曾因跳唱《狂野之城》獲5燈好成績的TVB「御用老臨」尤志豪，今次在PK戰第一回獻唱《初戀》，結果因超自信演繹「炒晒車」而出局。

中年好聲音3丨TVB「御用老臨」尤志豪超自信演繹

在周日晚播出的60強PK戰第一回，14位選手中有兩位選手奪5燈直接晉級，分別是 5 燈張與辰和 5 燈李金凱，其餘選手 PK 組合如下：尤志豪《初戀》VS 莫麗淇《明知故犯》、楊炳德《這麼 近（那麼遠）》VS 劉洋《偷心》、胡家健《親情》VS 嚴志恒《阿牛》、陳威《普通 朋友》VS 王鄭浚仁《落葉歸根》、張家豪《美麗之最》VS 梁華勝《沙龍》、陳芷 盈《Forever Love》VS 陳欣《空白格》，當中莫麗淇、劉洋和王鄭浚仁挑戰成功， 安全晉級。

相關閱讀：中年好聲音3丨 TVB「御用老臨」撞樣八両金！曾是男團成員 拍過《雙生陌生人》、《愛回家》

中年好聲音3丨尤志豪超自信演繹炒晒車：

「蕃茄」尤志豪演出曾令海兒心心眼

「蕃茄」尤志豪在《中年好聲音3》海選上表現收放自如，音樂一開始便大耍拳腳功夫，之後中氣十足唱出《唐山大兄》，其實雖然甩嘴，但不時以耍功夫的台風，成功獲得評審讚揚。其後後在香港賽區26 位選手登場時，尤志豪憑《狂野之城》成為五燈選手，當時尤志豪的演出可謂娛樂性最高，在布幕後以剪影姿態示人時，尤志豪已扭腰跳熱舞，搞到評審海兒隨著音樂擺動，看得開心又享受：「好精彩，一路唱一路跳係好難，做得非常好。」張佳添大讚為最enjoyable的演出，伍仲衡更邀請他組男團！

尤志豪60強PK戰選唱《初戀》

不過在周日播出的60強PK戰上，尤志豪選唱《初戀》，今次繼續落力歌舞演出，噴彩紙之餘又向肥媽派心，可惜過分專注做戲，忽略唱功，搞到走音兼甩Beat，結果這個超自信的演繹遭肥媽狠批：「我想問你今日做乜？走音、甩拍子，你太投入做戲，唔記得咗係嚟唱歌。」堅稱自己未有走音的尤志豪，更遭伍仲衡狠批：「所有走音嘅人都話自己冇走音！」全部選手企起身爭住向尤志豪挑機，最終由同樣2燈的莫麗淇挑戰成功。

尤志豪出局後在IG撰長文解釋始末

尤志豪出局後在IG撰長文解釋始末，他坦言今次意料之外奪得5燈意義重大，雖然短暫，但都是一個小成就：「今次由天堂跌返落地獄，落差感真係幾難接受。但都係預料之內… . 原諒我喺電視上好似面黑黑咁。因為嗰一刻我壓抑緊我啲眼淚。所以睇落好似好X面咁…同埋其實有啲嘢佢剪走咗…我都好想解釋一下。多年來我都努力提升自己。保持專業。用微笑開心嘅形象去迎接所有嘢。可能好多人覺得我扮嘢，唔認真，哪來的自信。覺得我就係一個笑話。但我要證明我唔係，我就要更加倍努力。」

相關閱讀：中年好聲音3丨顏志恒師弟參賽爆辛酸史！張家豪曾欠巨債致破產 陳欣樂天對抗惡性腫瘤

中年好聲音3丨顏志恒中學師弟參加比賽？

尤志豪自認唱歌與外表好討好

尤志豪續說：「我自知唱歌同外表，都一定唔係特別討好。所以我要更加努力用更多方面去補償，令所有嘢更完整。我都想努力試新事物，帶到新鮮感畀大家。畢竟作為演員比足200%努力，係我對自己都對觀眾嘅尊重。首先因為歌曲選擇其實都好有限，《初戀》其實並唔係我嘅優先選擇，但可能命運安排，我得到唱《初戀》嘅機會。而當時唔知點解，我腦海係想起咗我媽媽。媽媽係出生第一個教會我去愛嘅人，而嗰種愛係比較熱情可愛，深深影響我做人需要快樂，帶畀所有人熱情嘅愛。所以當下感覺係，既然都要唱《初戀》，我選擇以《初戀》去作為一封送畀媽媽嘅情信。因為對比情侶之間嘅愛。對我嚟講，媽媽先係世界第一個接觸你同愛你嘅初戀。」

尤志豪想加更多心思而做多了

尤志豪確實為想加更多心思落去而「做多咗」：「我嘅出發點係想件事可以互補到，特別係我知我狀態唔太好嘅時候。為咗呈現更完整嘅表現。我必須要用其他嘢去平衡，先可以帶到個完整嘅效果。作為表演者，咁先係對觀眾嘅尊重，每次上台，不論係工作時定係比賽。我其實都只有一個想法，全力將最好嘅呈現比所有人，要專業，唔好辜負人嘅期待。但我承認，好多時我就係思考得太多。導致咗事件崩塌，呢樣係無可厚非嘅事實。」他又說：「當初100強嘅5燈。不論人哋點樣睇，覺得我值唔值得都好。對我嚟講真係好大嘅感動，就算係短暫都好，我有種辛苦多年被短暫認同嘅感覺。就好似有人同我講句：『辛苦啦！』今次我對自己好失望同無力感，因為我呈現唔到我最好嘅表現畀大家，都對支持我嘅人感到抱歉。同時我都對某些不可抗力因素.感覺好無奈，當然作為當事人係有責任要克服所有嘢，有啲嘢，真係唔係一句克服就可以解決。」

相關閱讀：中年好聲音3丨區瑞強65歲胞弟成功晉級 戴帽西裝造型與哥哥餅印一樣有望變「吳大強2.0」

 中年好聲音3丨五燈單親媽劉曉昆住半山？

尤志豪致命傷因喉嚨發炎而失聲

原來當日尤志豪因喉嚨發炎而失聲，連耳機當日都出事：「兩樣同時發生，對歌唱比賽，真係致命傷，但比賽就係比賽，失準就係失準。我都唔係想搏同情或者搵藉口。但作為一個表演者，如果係我狀態好，能夠盡全力過後再失敗，咁我都無悔，但而家我有種好強烈嘅無力感，同埋有啲嘢喺節目度被剪咗，所以我都希望講一講返。」他續說：「當日其實除咗把聲咗事，仲有幾個技術性問題同時發生，可能係溝通失誤，或者設定問題，但我個耳機其實出現咗啲狀況，音樂不停爆咪炸耳，一時就似隔咗層膜咁，仲有延遲，機聽嘅節奏同現場唔同步，我同時聽到兩邊嘅聲音，初頭係完全捉唔到個節奏，後期我手動調整咗先可以。有朋友話我做咩唔除耳機，但其實當下我都好混亂，思考唔到，因為前一日綵排所有嘢都好正，所以發生嘅當下我係完全無預料過，導致入唔到個狀態，呢一樣嘢好唔專業，我承認。」

相關閱讀：中年好聲音3丨「木偶哥」爸爸終出場！戴假髮造型似足許冠傑 獲五燈直接晉級竟惹爭議

尤志豪會重新出發繼續努力

最後尤志豪說：「所有嘢真係發生得太快，我真係好想講返我嘅感受，同埋我真係好努力，我唔係只有嬉皮笑臉，我其實好多血汗。其實比賽嗰段期間，我連續先後無縫接軌咁喺兩個主題樂園工作。可能有人喺去主題樂園玩嗰時見過我，我嗰時係需要好熱情地同人互動，需要不停講嘢，導致我把聲其實發哂炎。睇醫生好耐都好唔到。就算請病假休息，好返少少。然後返工繼續燒聲，加上休息不足，我個人其實上晒火，咁嘅狀態，我其實真係長期病住。而發炎最嚴重嗰期，就係60強比賽期間。所以就……咁啦。我真係無估到今次會係咁崩壞，呢種未完成嘅遺憾感覺，真係好窒息。今次我真係對自己，對件事都好失望。但更多嘅係無奈同無助。點都好！我只係想講一講自己感受~今日過後。我又會重新出發。我會繼續努力，呈現更好嘅畀大家！」