鄧兆尊爆薛家燕、苑瓊丹不和真相還原事件 爆有人「要求拍大頭」：兩個阿姐說話有少少骨
發佈時間：18:00 2024-11-27
TVB經典劇《皆大歡喜》當年播出時，曾傳出薛家燕和苑瓊丹「不和事件」。吳家樂本周一（25日）邀請到有份參演該劇的鄧兆尊擔任嘉賓主持，大談當年拍攝《皆大歡喜》時他與薛家燕和苑瓊丹「不和事件」。
鄧兆尊揭薛家燕苑瓊丹不和真相
鄧兆尊在節目上不停被追問八卦，期間有人提到當年拍攝《皆大歡喜》的「不和事件」時。鄧兆尊說：「冇啲咁嘅事，我同任何人都和，《皆大歡喜》好家庭，冇乜特別嘢，都係有少少事發生過，但冇乜太特別嘅嘢嚟，即日解決咗喇！」
相關閱讀：鄧兆尊自爆被陳彥行反追 獲曾勵珍做媒人：行姐阿媽流晒口水望住我 追傅明憲被梁姓男星阻止
鄧兆尊又爆料？
薛家燕要求加大頭惹苑瓊丹不滿
鄧兆尊一直指「冇乜特別」，但吳家樂再追問：「薛家燕和苑瓊丹是否不和？」鄧兆尊欲言又止說：「又唔可以話不和嘅，曾經有少少磨擦咁樣啦，有一日，好輕微啫，後尾都處理咗，即時處理咗。」吳家樂表明對鄧兆尊的答案「唔收貨」，更要求他再講一次。鄧兆尊再憶述指：「冇乜特別嘢，每一場戲都有主角啦！嗰場戲講苑仔，突然家燕姐就話『我要加啲大頭』之類嘅嘢，其實好簡單，加咗之後導演剪唔剪，我哋唔知，但有少少磨擦出現咗，兩個阿姐啲說話有少少骨，嗰場戲變咗拍得麻麻哋。」
相關閱讀：鄧兆尊爆被女藝人要求揸胸增上圍 嫌疑人呼之欲出 再揭有人真空著肚兜勾引
薛家燕昔日感情生活：
曾勵珍介入平息不和事件
薛家燕與苑瓊丹當時在拍攝現場針鋒相對，最後要導演通知「高層」曾勵珍平息事件。鄧兆尊又爆料指，曾勵珍的房間有很多電視，猶如CCTV房：「你要明白，珍姐間房好多部電視，每間廠都click出嚟睇，每間廠發生咩事佢睇到晒，保安室冇聲，佢有聲，講咩都聽到㗎！」
相關閱讀：TVB台慶︱74歲薛家燕心廣體胖再發福 上圍勁過肥媽身位視覺夠震撼
阿哥阿姐愛在廠犯禁
吳家樂又補充：「佢知道晒你哋講乜，有啲咩事發生，佢可以即刻睇到，佢可以同監製、導演講，唔使匯報上去，佢即刻知。」鄧兆尊又笑指，「通常唔係成日睇嘅，咁啱唔好彩睇到，或者導演打上去叫佢睇睇個廠。」而吳家樂再爆有阿哥阿姐不會理會規矩，「同埋廠係唔准食嘢，但有啲阿哥、阿姐唔理，係都要食嘢，導演、保安都話唔聽，阿姐（曾勵珍）咪提佢『喂！叫佢唔好食嘢，廠唔食得嘢㗎！專心啲排戲唔好玩電話！』」吳家樂指不守規矩，始終拍攝是用錢，工廠式拍攝就是這樣！
相關閱讀：苑瓊丹自稱變態！拍片自爆同食呢樣嘢有關 即場示範鯨吞「陳小春」
