吳文忻患乳癌赴泰接受治療 摸胸發現腫瘤「變大又變硬」
發佈時間：19:00 2024-11-28
50歲前港姐季軍吳文忻（現名吳忻熹）早前宣佈癌症復發，證實已經是乳癌第三期並已擴散至淋巴腺。積極抗癌的她日前（26日）再次飛往泰國接受治療，並發現胸部腫瘤硬塊有「變返大又變硬」的情況。
吳文忻患乳癌赴泰打疫苗
吳文忻今日（28日）在IG貼片，分享赴泰國第一次注射「TTV腫瘤疫苗」，她在帖文中Hashtag：「#ttv腫瘤疫苗 #regencell #celltherapy #bangkok #cancer」，不少網民及藝人梁芷佩都留言為她打氣及送上祝福。
相關閱讀：吳文忻為亡父堅強活下去！爸爸退休回流被星探睇中 曾拍荷里活電影做妮歌潔曼老爺
吳文忻赴泰國直擊注射TTV腫瘤疫苗：
吳文忻親身直撃注射過程
從影片可見，頭戴黑色cap帽、身穿桃紅色上衣的吳文忻準備前往泰國曼谷醫院接受注射TTV的腫瘤疫苗，她說：「TTV腫瘤疫苗就係一個激活T細胞去打癌細胞嘅一個種類疫苗，據聞話呢個可以追擊嗰啲癌細胞之餘，亦都可以防返發，同埋已經畀定咗心理準備我喇！打完之後係會發燒同埋係會周身骨痛，成日都會好冤痛咁。」
吳文忻抵達醫院後先注射「NAD+」和「Liver Detox」2種營養液，目的是為她提升免疫系統。她續說：「之前都有啲擔心嘅，因為我之前摸落去個胸，個腫瘤我感覺到好似又大返同埋硬返，頭先嚟到check過，佢哋話，有可能因為嗰個瘤就算裡面冇晒cancer，都有個纖維瘤喺裡面，再加上我之前都做過手術有個疤痕喺裡面，所以有機會係個纖維瘤變硬，噚日先check過個癌指數係一路降低緊，即刻安心晒。」
相關閱讀：吳文忻爸爸猝死！貼昔日父女溫馨片表示巨大震驚 曾自揭癌症復發擴散至淋巴痛上加痛
吳文忻交代病情治療進展：
吳文忻打針：感覺越嚟越「㾓」
影片一轉便見到吳文忻側身躺在病床準備打針，她笑說：「而家準備開始打呢個TTV嘅腫瘤疫苗，我好耐冇畀人打過屁股喇！」護士讓她看看那支注射的針筒，她害怕得掩嘴說：「睇下有幾painful（痛苦）先！」她做出OK手勢，護士便替她注射，她說：「開始感覺到越嚟越㾓喇，又未至於講到咁痛嘅，我覺得Ok喎！」
相關閱讀：50歲吳文忻體內癌細胞指數急降 曾因化療苦不堪言轉試新療法：賜予第二個人生
吳文忻減少食止痛藥
當日下午一時打針的吳文忻，至晚上仍感到屁股有些㾓痛，但未有發燒，醫生開了止痛藥給她服用，她只是打針當日吃了一粒，翌日沒吃。她說：「盡量我都唔想食啦，我都好少食呢啲止痛藥，我都有問佢點解會畀ibuprofen唔係畀panador？原來panador係會㩒低身體發燒，我哋而家係要激活個身體去發燒、去做嘢，所以就唔應該㩒低令到身體唔發燒，ibuprofen就係會幫你減輕㾓痛之餘，會keep住有啲低燒，就唔會好高燒好辛苦。」
相關閱讀：
49歲前港姐吳文忻抗癌恢復體力即出海聚會 舉杯祝酒大晒水著享受日光浴
49歲前港姐吳文忻化療抗乳癌！脫髮情況嚴重暫未決定剃頭：我唔會因為甩頭髮而情緒低落
