三世書揭示明星命運逐一應驗？金牌司儀被捉黃腳雞早有預言男星跳樓與「殺妻」有關

更新時間：23:00 2024-11-29
發佈時間：23:00 2024-11-29

前港姐鍾慧冰近年開設YouTube頻道「冰姐的花樣人生」分享娛圈往事，日前她更新影片，談到在80年代香港娛樂圈中很多人信的已故玄學家關九姑。鍾慧冰指當年她跟李香琴去見關九姑，她被批一生衣食無憂，會有很多人請她吃飯，雖然不算大富人家，但不缺錢。可惜關九姑指鍾慧冰一生孽緣多，當時關九姑給她看一幅畫，畫中有很多男女，「當時我唔係好明白，而家事後都唔係好明白，但係的確喺我婚姻或者姻緣上，的確出現咗太多人，所以就令到我年輕時好多煩惱。」而關九姑看三世書更預言到一些明星的事。

金牌司儀被捉黃腳雞早有預言

鍾慧冰曾聽聞一位舊同事去找關九姑算命，事後那位舊同事卻因桃色新聞成為熱話人物，鍾慧冰說：「佢係一個金牌司儀，有一次搵一位夜總會小姐，結果就發生咗一單新聞，就係佢同夜總會小姐開房嘅時候，被人『捉黃腳雞』。事後當然呢件事喺社會上好轟動，我哋茶餘飯後當然會傾到。」鍾慧冰與友人討論時，一位同事提到早已叮囑這位金牌司儀要小心，「佢去見關九姑，佢幅漫畫上面見到一隻公雞，喺米缸裡剁著米，所以一早都話，佢會被人『捉黃腳雞』。」

鍾慧冰談講前世今生神奇事？

羅石青輕生與前世有關？

接着，鍾慧冰談到羅石青輕生一事，鍾慧冰透露當時她與羅石青的女友斑斑是好友，因此與羅石青亦有交情。據她所指，羅石青生前抗癌幾年，病情一直反反覆覆，羅石青曾求神問卜想找人為他續命，於是他去找關九姑幫忙。鍾慧冰表示：「我仲記得嗰時聽到斑斑話，佢找關九姑問羅石青嘅病究竟會唔會康復，佢掀書，一掀就見到有個男人好似喺度推一個女人落樓。當時關九姑話『冇喇冇喇，佢冇得救喇，佢前世唔好，推咗佢老婆落樓，所以今世要還，所以都冇得救喇』。」關九姑更指住書上的畫，指羅石青前世在一個有紅瓦磚的屋頂推老婆落樓，而幾天後，羅石青在尖沙咀一座大廈跳樓身亡，鍾慧冰說：「聽講當時跳落嚟個屋頂係有紅瓦磚，當然唔知道係巧合還是剛好。」事件令鍾慧冰感到人生很奇妙。

鍾慧冰閨密團好多前港姐？

防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk

↓立即下載星島頭條App↓