金牌惡人移居中山吸金力驚人 商演月入有六位數字 生活寫意近年愛「揸飛機」
發佈時間：17:00 2024-12-03
被封為TVB「御用惡人」之一的67歲王俊棠（棠哥）近年憑處境劇《愛回家之開心速遞》「池富」一角而入屋，但近期在劇中甚少見到「池富」的踪影，原來王俊棠定居中山，他的兒子王東泰曾說︰「佢熱愛中國，如果香港冇咩事佢都想留喺內地，同埋好好搵。」
王俊棠定居中山吸金力驚人
王俊棠在TVB工作近30年，因擅演惡霸、打手、社團人物等角色而有「御用惡人」之稱，不過王俊棠曾說自己不想只做惡人：「當然都唔係咁想做，其實有啲比較黑色幽默、面惡心善嘅角色，都可以做啲比較傻嘅角色。而家我做《愛．回家》都係市井之徒，又貪慕虛榮，唔係大奸大惡嘅角色，希望多啲機會拍吓多啲，傻佬都冇所謂，畀返人睇我唔係咁奸。」
相關閱讀：TVB「御用惡人」王俊棠中山豪宅曝光！有大露台景觀開揚 飯廳擺健身器材具空間感
王俊棠內地生活好寫意：
王俊棠自爆定居中山三鄉鎮
王俊棠早前自爆定居中山三鄉鎮，為了方便出入，王俊棠買了一架深灰色國產休閒越野車，在不用工作的日子，王俊棠與太太揸實周圍去，近日有網民在內地遇見王俊棠，合照後放上小紅書並大讚王俊棠真人甚為健碩，而且作風極之親民，當時見到王俊棠孭著無人機，估計是去玩航拍。
相中所見，王俊棠令人感覺他很悠閒，臉上的戾氣全消變成了親民的大叔，王俊棠曾被爆商演出場費為6萬人民幣（約6.61萬港元），每月接2、3場商演，已經有近廿萬收入，收入相當可觀，難怪他其兒子王東泰也曾在社交平台大爆父親望長駐內地搵銀︰「佢熱愛中國，如果香港冇咩事佢都想留喺內地，同埋好好搵。」
王俊棠曾全裸拍戲：
王俊棠在80年代加入電影圈發展
王俊棠在80年代加入電影圈，當時曾以藝名「伊凡威」發展，寓意「一帆風順」，直到1997年後被監製鄺業生主動邀請因而加入TVB，以「王俊棠」在圈中發展。王俊棠的兒子王東泰同為TVB藝人，他曾提到父子關係似朋友：「我有兩段婚姻，同前妻嘅大仔唔係同我哋住。我同細仔相處（王東泰）嘅時間，佢已經好大個，有自己思想，每個人都係獨立個體，唔能夠控制佢，佢自己想點就點，只可以支持佢，除非佢做埋啲犯法嘢。佢都有同我講（入行），佢自己話要考，我唔會阻止，一定要畀小朋友自由發揮，身體健康、開開心心就夠。」
