譚耀文罕談與索妻關係！曾因價值觀問題多磨擦 一對仔女文武雙全囡囡撞樣蔡思貝
發佈時間：20:30 2024-12-07
現年55歲、1988年《第七屆新秀歌唱大賽》冠軍譚耀文入行，當年入行不久已經被已故天后梅艷芳睇中，成為第二名入室弟子，可惜因被指模仿張國榮而被評為不討好之新秀幫，結果在1993年轉型向戲劇發展，多年後憑電影《野獸刑警》奪得金像獎「最佳男配角」，演技被外間認同，但可惜已遺忘了他曾是歌手的身份。
譚耀文事隔超過18年終重拾歌手夢
事隔超過18年，譚耀文終於重拾歌手夢，早前推出最新派台歌《拼命三郎》，日前接受電台節目訪問，首度披露曾四度婉拒亮相TVB懷舊歌唱節目《流行經典50年》，譚耀文直言：「唔想畀人覺得我係食老本！」與此同時亦分享認識圈外太太後的大轉變。
相關閱讀：88年新秀冠軍被藝人打傷！公開傷勢現大片瘀青 提供一線索引網民猜謎
譚耀文是梅艷芳的入室弟子：
譚耀與華星合作4年便沒有再續約
譚耀文當年新秀奪冠後，一心向歌手發展，雖然曾推出多張專輯，而且又是梅艷芳的入室弟子，不過無助歌星路，與華星合作4年便沒有再續約，接着向戲劇方向發展。在30歲的時候，譚耀文憑《野獸刑警》奪得金像獎「最佳男配角」，同年再憑劇集《縱橫四海》爆紅。對音樂熱誠未有減退的譚耀文，近日推出新歌《拼命三郎》，日前新歌接受商台節目《星光背後》的訪問，譚耀文被問為何相隔18年後再推出新歌，他說：「其實一路都想錄返首歌，一直都好掛住唱歌，但因為拍戲嗰邊又好順利，咁就擺低咗歌手條路。」原來TVB節目《流行經典50年》曾多次找譚耀文做嘉賓，不過因為一個理由而婉拒：「有搵過我4、5次，但我覺得節目唔適合自己。當時我拒絕，係因為我等緊一隻新歌先想行返上台，我唔想只唱舊歌，想有新嘢畀人，唔想畀人覺得我係食老本，唔想做一個畀人懷緬嘅角色。」譚耀文坦言今次不單只出一首歌，希望一願歌手夢舉辦首次個人演唱會。
譚耀文試過9個月沒收入
譚耀文曾簽約華星並推4張專輯後，不過發展不似預期而轉型，他說：「贏完新秀好夢幻，一出門好多fans，一心想好多事發生，但當時太細個，忽略咗人際關係，四隻碟的確無一隻歌大hit。當時無諗咁多，因為收入對我好重要，已經有9個月無收入，我仲要還錢比華星，所以我一直都等緊出路。咁啱就有劇集嚟搵我，仲要做主角！嗰時就覺得可以為自己開多條路，點之一拍就上癮，覺得演戲可能係我終身職業。」譚耀文承認拍戲曾經歷迷惘及沮喪：「最初做演員，要忘記做歌手時嘅風光，忘記當時有成條team跟住自己做嘢，一出門又有粉絲跟住，要忘記呢啲感覺，要當自己係個好普通人，要重新嚟過！嗰陣試過日日食杯麵，唔敢返屋企，唔敢面對父母同朋友，覺得自己跌咗落嚟，感覺辛酸又孤獨。」
相關閱讀：佘詩曼秘密接拍TVB律政新劇 造型曝光有驚喜 與譚耀文相隔20年再合作已開工
譚耀文愛女撞樣兩個港姐？
譚耀文愛情路很快便修成正果
幸好譚耀文的愛情路很快便修成正果，30歲與圈外美容院老闆娘Fiona結婚，婚後亦很有計劃地育有一對子女，譚耀文說：「我比較傳統，覺得男人要係30歲前做啲成績，跟住就要結婚成家立室。」他亦指遇見太太後令他改變很多，感激太太助他計劃家庭及累積財富，「我以前個人咩都唔關心，做演員乜秩序都無，特別係理財方面，以前我亂使錢，如果冇我太太，我搵幾多錢都會冇晒，又或者同人夾份做生意冇晒。雖然我同太太一開始拍拖價值觀上係唔夾，我係冇心機聽，因為過慣咗藝人生活，而佢就係好貼地，所以會有磨擦。後尾有太太幫我規劃，令我關心多咗呢個世界發生緊咩事，亦令我人生好有planning。」
譚耀文一對仔女品學兼優兼且武雙全
譚耀文的大仔譚皓哲（Daniel）及細女譚津如（Tamia）入讀貴族學校哈羅香港國際學校，兩人品學兼優且文武雙全，大仔曾獲領導獎兼被選中到英國倫敦交流。女兒是「跑得之人」，譚耀文曾貼女兒奪得四面金牌的照片並說：「功課越多金牌就越多~ 你到底要造model定係女飛人？ 女大十八變真係未知。」女兒長大後身形更修長，撞樣港姐蔡思貝。
