黎明30年前被多位港姐「強吻」片再掀討論？ 網民發現一位佳麗表現最狼死
發佈時間：18:00 2024-12-08
天王黎明（Leon）自2018年榮升人父後，變得更為低調，除開騷外已甚少公開露面。過幾日便是黎明58歲生日，近日網上流傳一條香港小姐選舉舊片，黎明當年擔任表演嘉賓，當中的環節更是艷福不淺，引起網民熱議。
張學友王菲做嘉賓
《1994年香港小姐競選》可算是經典中的經典，該屆參選佳麗，不但有多人之後成為當家花旦，而且擔任嘉賓的紅星多達五人，當中包括關淑怡、黎明、張學友、王菲、何家勁。而黎明登場的環節，更獲12位佳麗輪住獻吻，睇到網民極羨慕。有網民轉發影片寫道：「邊個女人唔想錫黎明！94年嗰屆港姐勁幸福！17號嗰位完全想呑咗Leon，18號眼神又勁依依不捨」。
相關閱讀：黎明突斷崖式衰老？皮膚變黃髮線「嚴重」後移兼狂爆鬚根 粉絲竟大呼感動？
黎明擔任1994年港姐嘉賓好艷福？
相關閱讀：黎明「粗口」片翻Loop 曾用糞便解說粗俗說話 與許志安青澀相再度瘋傳惹人遐想
佳麗全程心心眼
黎明當年以一身歐洲宮廷造型現身，先唱出一曲《YA YA YA》，之後再唱出《那有一天不想你》，與12位佳麗互動，多位佳麗近距離接觸黎明時表現興奮，全程心心眼外，又獲安排每人15秒與黎明拖手跳舞，臨尾更可以一親黎明臉頰，雖然可以借位，但有多人「打真軍」在黎明臉上留下唇印，被網民視為選港姐的一大福利。
相關閱讀：54歲前港姐季軍李綺虹被指狀態不及75歲鮑起靜？罕現身活動打扮隨意唐裝襯紅白藍
94年港姐多花旦
由於當年的佳麗有冠軍譚小環、亞軍活麗明、季軍李綺虹外，更有落選的陳芷菁（現名陳淽菁）、張可頤、黃𨥈瑩、康華，已令網民感嘆當年是死亡組之爭。而佳麗中又以17號鄺靜慈表情最誇張，一埋身已用用炙熱的眼神眼定定望實黎明，笑容更是笑到合不攏嘴，更險些連累投入演出的黎明破功。
相關閱讀：視后張可頤豪宅曝光！獨立屋內擺大棵聖誕樹有節日氣氛 曾傳拒嫁億萬富商兼繼承巨額遺產
黎明昔日迷倒萬千少女：
相關閱讀：49歲古天樂舊愛黃𨥈瑩微發福「闊太」味濃？相約群星食飯 久違現身圈中人聚會
網民讚94年勁高質
不少網民留言：「呢屆港姐勁高質！」、「原來康華、黃𨥈瑩、活麗明、張可頤係同一屆」、「嘩！呢一年個啲，到依家都有做藝人嘅仲超靚！」、「17反應大家都好明，11有得挨又有得錫好幸福」、「17號笑死我，嗰陣偷笑真係暗爽緊同黎明咁親近，好得人驚」、「17號真係最真實嘅反應，同Leon深情對望又錫落選都超值！」、「佢（黎明）右邊面真係有唇印，正路應該係叫佳麗扮錫，點知有人自肥真係錫咗落去」、「有得真錫，好似落選都抵」等。
