《中年好聲音》選手見有人「被炒」感心涼言論連TVB主播林婷婷都Like？

更新時間：20:50 2024-12-09
發佈時間：20:50 2024-12-09

近日《中年好聲音》系列評審伍仲衡「被炒」一事成為熱話，日前《中年好聲音3》已被淘汰的參賽者李玥穎在IG發文，提及：「見到新聞有人被炒，心𥚃百般知味，好似天氣一樣，有點涼。」之後又分享參加《中年好聲音》時的經歷，難免令網民聯想到「有人被炒」是在談及伍仲衡。

李玥穎是《中年好聲音3》百強選手

李玥穎是《中年好聲音3》的香港區百強選手，但她表現似乎未如理想，只得到一盞肥媽的「鼓勵燈」。李玥穎在比賽中演唱《漫步人生路》，節目中只播出約十秒唱歌畫面，當時節目亦有輯錄伍仲衡給評語的畫面，他說：「呢首歌條帶畀人好有希望，但你好似掉返轉，你話畀人聽『我而家好失敗，你哋放棄吧，咁樣』。」當時李玥穎都有微笑，但原來李玥穎心內有很多不滿。

《中年好聲音3》選手見有人「被炒」感心涼？

李玥穎：忍唔住自己嘅面部表情，「X」咗一下面

李玥穎日前在IG留言分享，指參加到《中年好聲音3》是一次珍貴體驗，「呆等十幾個鐘，個妝由fresh 到出油，不停練習，鼓起勇氣，出到個台唱。眼見面前台下幾位，同我一樣被迫營業嘅精神狀態。台上嘅我其實明白，評判都也只係呢個節目其中一個齒輪，佢哋都係返工啫！直至到今次新聞人物，係我唱完晒成隻歌先戴headphone，仍在台上嘅我，忍唔住自己嘅面部表情，『X』咗一下面，喂你冇認真聽，你都扮下野吖！咁大個人，唔係輸贏嘅問題，而係互相尊重。」李玥穎又大讚按燈給她的肥媽，「肥媽的確係呢個節目嘅中軸，不時過嚟後台比鼓勵參賽者，親民、冇架子，好過其他人真係當正自己係要比人供奉，對D參賽者理所當然。完咗錄影之後，一直不是味兒，見好多其他同學仔有寫千字文，我都心有餘悸。」她多謝《中年好聲音3》的體驗機會，見到幕後人員製作認真，並指：「可惜幕前演員演出唔夠專業，對音樂同參賽者欠一個交代，餘下盲撐嘅人，終會有醒覺嘅一天。」不少網民都好奇她是否指伍仲衡，更有網民發現TVB主播林婷婷都有Like以上言論。