「威龍潘金蓮」梁茵轉行樓面？進軍「賣雞」行列分享廣東人做雞方法 被認出身份零尷尬
發佈時間：14:41 2024-12-23
曾經在處境劇《愛．回家之開心速遞》中「威龍潘金蓮」的前TVB小花梁茵（Kiko），自2021年10月宣佈離巢發展後，工作發展似乎不似預期，甚至傳出財困，梁茵一度要去日本餐廳做侍應以維持生計，其後梁茵轉型做KOL，不過近日事情似乎又有轉變。
梁茵在海南雞飯店內打工
梁茵日前被發現在九龍灣一間海南雞飯店內打工，除了親自為客人落單、抹枱和上菜，還走到廚房斬雞。雖然有人認出梁茵是「威龍潘金蓮」Anita，不過她都未見尷尬，就算被邀合照都沒有問題。
相關閱讀：「威龍潘金蓮」梁茵晒長腿白到反光嚇親人！高鐵站打卡宣布新搞作 離巢一度做待應維生
「威龍潘金蓮」梁茵轉行做樓面？
梁茵演拜金女入型入格
梁茵當年在《愛回家之開心速遞》中飾演最愛釣金龜的「威龍潘金蓮Anita」，由於演得入型入格，拜金女形象深入民心，她曾訪問上笑稱「成也Anita，敗也Anita」，試過出街被人指住鬧，但同時感到觀眾認識。不過梁茵離巢後，遇上疫情令工作被拖糧，更一度要去日本餐廳做侍應以維持生計，幸好疫情過後，梁茵終於可以重返幕前拍網上節目，還轉型做KOL。
梁茵現於海南雞專門店打工
不過近日梁茵被發現在海南雞專門店打工，雖然現時以接洽廣告工作和直播帶貨為主，不過梁茵一直希望可以進軍飲食業，希望開到一間日式居酒屋又或者係日式烤肉店，所以試過日本餐廳做侍應後，今次在老友的支持下，決定登門拜師學藝，梁茵說：「一開始都唔識切雞，而家都開始識識哋，但係唔好諗住切雞好易，其實好考刀功，切得唔靚嘅話，『姐姐』會重新再擺盤。」梁茵又稱選擇做海南雞店的原因：「廣東人做雞都有好多唔同方法，有人鍾意食炸子雞，有人鍾意沙薑雞，咁我覺得海南雞會成日都食到。」
相關閱讀：「威龍潘金蓮」梁茵酒店睡袍Look打卡 穿絲襪大騷誘人長腿挑戰走光邊緣
戴耀明於茶餐廳打工？
梁茵曾自爆有人向她提出「照顧」
梁茵曾自爆有人向她提出「照顧」：「重點係要識得拒絕，每個人都有選擇權利，我相信自己有能力獲得更多財富，唔好影響到價值觀。我唔想因為眼前短期利益，之後一世會唔開心。」梁茵感激有父母做後援：「佢哋唔係有錢，但同我講『就算畀唔到家用，個女紅唔起唔緊要，知道你付出好多心機。』」梁茵又喊爆談及一件遺憾事：「當日捲入律師人夫『小三』傳聞，因為我冇堅持要向外澄清，最後冇咗個大廣告，因為男朋友家人唔信任我，連男朋友都提出分手變咗雙失，如果唔係因為呢件事，我應該去咗人生另一階段，其實都好後悔，好彩有家人一直支持我。」
