《異空感應》多隱藏猛人！阮浩棕主診醫生教戲逾十年 童年Duncan演過《破‧地獄》
發佈時間：19:00 2024-12-24
TVB劇集《異空感應》轉眼來到結局周，劇情發展相當出人意表，當人人以為Big Boss是Duncan（阮浩棕飾）時，劇情竟來個大反轉，不少人都估誰是連環殺人案真正兇手，連日來在網上引發熱討。劇中一些新面孔亦吸引網民關注，其中飾演精神科楊醫生的李頊珩（Hanks），與及演童年版Duncan的楊子漮（桃桃），原來都大有來頭！
楊醫生李頊珩是賴慰玲同學
臨近結局周才現身的楊醫生，是Duncan當年在精神病院的主診醫生，對Duncan背景及狀況均瞭如指掌，而且更牽涉入與多宗案件有關的「分享會」中，似乎是尋找Big Boss真身關鍵人物！由於楊醫生在上周出鏡率頗多，加上李頊珩本身亦甚少演出TVB劇集，惹來不少網民好奇。於香港演藝學院戲劇學院主修演技的李頊珩，與賴慰玲是同班同學，是一名舞台演員、導演及戲劇導師之餘，同時亦有參與配音、影視拍攝、廣告拍攝，及主持等不同類型的演藝工作。原來李頊珩曾不止一次為陳奕迅擔任「身替」及「聲替」，其中一次更與陳奕迅本尊面對面做戲。
相關閱讀：阮浩棕童年照曝光！與嫲嫲梁舜燕溫馨合照 樣貌變化不大網民一眼認出
異空感應丨楊醫生李頊珩有教藝訓班？
李頊珩撞樣邵仲衡？
李頊珩曾先後與香港多個藝術團體合作，曾到內地、澳門、台北、日本、馬來西亞、羅馬尼亞、愛丁堡及加拿大等不同地方作戲劇演出及交流。李頊珩透露已擔任戲劇導師工作超過十年，有屬於自己的演技教室，並曾因機緣巧合為TVB藝訓班擔任過導師，他說：「有次機緣巧合下見到無綫高層，佢哋話我有啲似邵仲衡，又問我可以做啲乜，我就話我可以教藝訓班，之後咁就教咗幾年。」李頊珩對訓練演員有濃厚興趣，但笑言現時仍是學習階段：「我主要係唔同形式嘅表演都學吓，希望可以帶番啲新嘢畀個行業，等成個行業都好啲。」據知跟過李頊珩學戲的新生代演員分別有曾文心、梁荺苓及龔慈恩女兒林愷鈴等。
相關閱讀：異空感應丨何沛珈與緋聞男友拍劇唔尷尬 阮浩棕坦認二人了解中
除了演藝工作，李頊珩近年還開始接觸身心靈修習，包括頌缽及音叉聲頻療癒、昆達里尼瑜珈，並成為合資格嬋柔（禪柔）運動實習導師。他坦言自己對身體訓練範疇甚有興趣，並以幫助別人調整身理痛症為副業之一：「其實嬋柔運動呢幾年好hit，彭羚都會去玩，我都係呢個運動嘅導師。另外我仲有學俄羅斯武術等等。」
相關閱讀：梁舜燕孫仔阮浩棕戀情明朗化？ TVB小花何沛珈罕晒合照「放閃」掀熱議
異空感應丨童年Duncan多齣大熱影視作品都有份？
至於飾演童年版Duncan的小演員楊子漮，現時是小學3年級學生，他4歲開始入行拍廣告，5歲在TVB劇集《婚後事》演王敏奕及羅天宇的囝囝！楊子漮在近期熱播電影《破‧地獄》及《爸爸》中亦分別飾演了韋羅莎的兒子及劉青雲兒子的童年版。楊媽媽透露楊子漮接到《異空感應》劇本時，因同情小Duncan而喊個不停：「好多人話Duncan童年好慘，呢個都係桃桃收到劇本嘅反應，嗰時佢得小一，我讀劇本畀佢聽先，佢聽完已經由心度喊出嚟，話呢個小朋友好慘。所以係拍嗰陣啲喊戲，佢係真心又好自然咁喊到出嚟。」楊媽媽笑指囝囝對於可在拍劇期間攞正牌鬧媽咪大感過癮，令她哭笑不得：「因為佢知道平時當然唔可以咁講嘢。」
相關閱讀：《異空感應》25集劇情懶人包 線上看最新劇情發展 陳家樂、陳曉華主演TVB穿越劇
楊子漮與演員交流超搞笑
楊子漮雖然分身參與拍攝工作，但沒荒廢學業，還獲得學校獎學金獎勵，楊媽媽說：「我同桃桃講，如果佢鍾意拍攝，條件係要應付好學業，咁先可以去拍攝。所以佢好識分配時間，喺學校會利用小息／午膳時間去完成功課，然後放咗學就去拍攝。」楊媽媽續指除了拍攝，楊子漮還熱愛踢足球、唱歌及彈結他：「佢踢足球嗰度而家係校隊同區隊成員，而佢學結他係因為佢都好鍾意唱歌，佢話彈住結他唱歌好有feel，另外仲有上catwalk班。總括嚟講，佢係一個表演欲好強嘅小朋友，好喜歡同人交流傾偈，份人比較成熟，有時等埋位聽佢同啲演員嘅對話都幾搞笑，好似佢會問人：『點解你會做呢行？你覺得需要咩性格先適合呢行呢？』完全唔似一個小三嘅小朋友會問嘅嘢。」
相關閱讀：陳曉華爆陳家樂自掏腰包請劇組食飯 阮浩棕獲觀眾讚靚仔
