90歲楚原遺孀南紅激罕現身！真實狀態令人感慨 與謝賢胡楓一原因「唔過電」
發佈時間：09:00 2024-12-29
資深大導演楚原於2022年2月離世，享年87歲，他與太太南紅相愛逾半世紀，鰜鰈情深，自從丈夫離世後，南紅的生活更見低調，甚至現身公開場合，直到楚原逝世8個月後，南紅曾現身粵劇慈善活動，當時她曾說：「我先生唔喺度瘦咗成10磅。我同佢結婚54年，行咗9年，我哋都有60幾年關係。佢待我非常好，起碼我哋有孫。就算咩都好，我哋兩個都80幾歲，能夠活到今日，我都替佢好慶幸。」
90歲南紅激罕現身紅粉緋緋
90歲的南紅一直過着低調生活，日前激罕現身接受好友楊紹源的YouTube節目問訪問，久違了的南紅身形豐腴，紅粉緋緋，說話中氣十足。談到近年生活狀況，原來她早年在花墟被人推跌，有一段時間要揸柺杖而行南紅說：「而家唔係一定要揸，不過如果出街多人嘅話，揸柺杖就會好啲。」
相關閱讀：楚原逝世8個月遺孀南紅首露面暴瘦10磅 明年將赴英國散心
90歲南紅真實狀態：
南紅目前有工人照顧日常生活，生活尚算不俗：「因為細個好想學嘢，但係冇錢，到咗而家咪周圍學，開心吓。我間中都會去朋友度唱K。」南紅在1967年與楚原結婚，相處跨越半個世紀，楚原生前曾表示：「我相信緣份，愛情、婚姻、朋友都不可強求。我思想方面很浪漫，但我亦是個普通人，不拘小節，南紅也一樣。我喜歡南紅正因為她夠普通，不追求物質，多好，哈哈！」在節目上，南紅亦有提到與楚原相識經過，南紅於2020年接受港台訪問時，大談與楚原拍拖的經過，她指二人是在片場中認識，當時她只是一個臨時演員，而楚原是編劇，在《七重天》合作後開始熟稔。南紅稱當時大家都會在下午2點回公司一齊飲茶，其他人都會相繼離開而留下她與楚原，之後便一齊看電影，「我哋行埋九年都冇拖過手仔，當時都唔知咩叫拍拖！」
當年南紅與謝賢拍過不少劇集，飾演過不少情侶角色，但偏偏兩人從未過電，甚至連胡楓和周驄亦未曾有感覺，反而最後情傾楚原，南紅說：「因為謝賢已經有嘉玲，嘉玲梗係靚過我，佢點會追我，加上我又冇諗住愛情，我根本冇父愛，亦唔知乜嘢係愛情，只係知媽咪好錫我。我同謝賢都講過唔會鍾意對方。」她續說：「我哋都喺片場見面，好多人話我唔嫁演員而嫁導演，梗係貪佢地幫你好多。但係完全冇，我同佢一啲題內話都唔會，我又唔識做導演，佢又唔識做演員，佢一做戲我就笑。」南紅又爆楚原本身很喜歡做演員，一早已經計劃好。
相關閱讀：楚原88歲遺孀南紅走出喪夫陰霾 粉紅套裝裙悉心打扮精神狀態好
胡楓受勳型到爆？
南紅主動向楚原提出訂婚
南紅曾當年是自己主動向楚原提出訂婚，認為戴戒指是認定彼此，於是向楚原提出，結果二人於平安夜在父母見證下訂婚。他們訂婚兩年後，南紅在美國登台時，楚原以長途電話求婚，並於1967年結婚，南紅說：「我同楚原嘅生活主要都係睇戲，我冇諗到佢嘅才華，但係佢好叻，喺朋友面前係做領導，好有領導才能，當然有學識都會加分。」楚原離去後，南紅說：「好多人話我暴瘦，根本唔係，而家先叫啱，嗰陣太肥，個老公又鍾意食嘢，成日跟住佢，嗰陣又冇諗做乜，咪140磅，我老公唔喺度之後，的確係瘦咗，咁有兩年心情唔好咪瘦，得番120磅，後尾心情好番，咪變130磅，我覺得而家啱我，人都靚啲。」至於會否復出？南紅說：「如果有人叫咪會。」
