叱咤2024｜Ian陳卓賢奪「叱咤男歌手金獎」台上感謝張敬軒罕揭交情約定完騷見

更新時間：22:33 2025-01-01
發佈時間：22:33 2025-01-01

叱咤2024｜叱咤903商業電台主辦《2024年度叱咤樂壇流行榜頒獎典禮》於今日（1日）晚上7時假亞洲國際博覽館ARENA舉行，並於叱咤903聲音直播，及於my903.com、881903.com、ViuTV直播。已升呢成為天王級歌手的張敬軒，做音樂不為得獎，但近年仍有出席叱咤903主辦的樂壇頒獎典禮，希望在現場給予後輩鼓勵是他的目的之一。今晚與他關係友好的MIRROR成員Ian陳卓賢奪「叱咤樂壇唱作歌手」金獎，在台上亦有多謝張敬軒。

叱咤2024｜Ian陳卓賢連奪唱作人金奬及叱咤男歌手金獎

Ian陳卓賢連奪兩個金獎，包括唱作人金奬及叱咤男歌手金獎，他上台時表現緊張，「心跳好快，好耐冇試過心跳好快，一片空白，呢兩個獎好重，更加要做好自己要做嘅嘢，多謝903多謝MIRROR，手震添，多謝2024年每一位合作過嘅音樂人。」

叱咤2024｜Ian陳卓賢奪男金多謝張敬軒？

叱咤2024｜Ian陳卓賢感謝張敬軒

Ian陳卓賢在叱咤台上更特別多謝張敬軒，他說：「關於呢個男歌手獎有個故事，頭先台上好多歌手提起一個名，張敬軒先生！點解男歌手獎有個故事，2022年嘅時候，張生攞咗男歌手金獎，有一晚佢打畀我：『我有啲嘢要畀你』，跟住佢畀咗佢嗰年攞嘅男歌手金獎我，佢同我講：『你擺喺屋企，我相信你有一日會攞到，攞到然後你攞返畀我』。我今晚返屋企，即刻攞返畀你，多謝，thank you！」

叱咤2024｜Ian陳卓賢靠張敬軒度低潮

Ian陳卓賢與張敬軒都是創作型歌手，私下非常聊得來，因而成為好友。張敬軒曾多謝Ian陳卓賢在他患新冠肺炎時悉心照料他。而Ian陳卓賢早前亦提到初入行時，曾心理健康出問題，亦是靠張敬軒度低潮。二人好交情近年浮面，近年各自開演唱會，亦請對方做嘉賓。Ian陳卓賢去年7月開演唱會時，介紹張敬軒上台前，亦表示：「呢位嘉賓好重要，成日好失意嘅時候開導我，之後變咗亦師亦友嘅關係，好照顧我。」早前更有網民在澳門巧遇二人交收手信，可見私下非常老友，歌迷亦期待二人有更多歌曲上的合作。