汪明荃死敵因身體特徵遭導演嫌棄要求「剝掉」堅拒為星途就範：我寧願唔做

即時娛樂

更新時間：21:30 2025-01-04
發佈時間：21:30 2025-01-04

曾經在70年代與汪明荃，李司棋和趙雅芝同被譽為TVB四大花旦的黃淑儀，踏入2025年有搞作，今次與好友楊紹鴻在YouTube主持網上節目，大爆多年在圈中的所見所聞。

黃淑儀的招牌兔仔牙令她星途受阻

在節目上，黃淑儀先分享自己入行初期的經歷，除了本身報讀麗的映聲第二期訓練班，未畢業已經被安排配音和報道新聞，最後因為人事糾紛，不敵一些不正常的人的操作而被炒外，原來黃淑儀亦因她的招牌兔仔牙，一度被導演們「嫌棄」，星途受阻。

相關閲讀：黃淑儀獲名醫老公返港陪過75歲生日再婚生活美滿恩愛超過40年

黃淑儀因招牌兔仔被導演們「嫌棄」？

黃淑儀星途充滿了高低起跌

現年75歲的黃淑儀的星途充滿了高低起跌，在節目上，黃淑儀被爆她的兔仔牙屢次被導演嫌棄，甚至開到口要求她剥掉，黃淑儀笑說：「當年楚原導演見完我，佢同我講叫我剝咗隻兔仔牙，仲話我個臉型除咗林鳳之外，任何一個角度影都好靚，如果剥咗隻兔仔牙即係有戲拍，可以做女主角，但係我拒絕咗，因為如果一剝就要剝晒兩隻，我隻牙好地地，仲乜剝咗佢？」黃淑儀續說：「因為嗰年代，要啲女仔好瘦，仲要嗰排牙好靚好整齊，再加上嗰陣好瘦，隻牙突晒出嚟係醜樣啲，但係我寧願唔做。」

黃淑儀希望因為演技而被觀眾注意

黃淑儀坦言希望因為演技而被觀眾注意：「我唔想因為個樣先吸引到人，我有隻牙唔靚咩？我覺得好靚喎，好自然。我又唔係想大紅大紫，只係鍾意呢個群體生活，而且又唔係一定要做主角，行到最高嗰個，如果唔係我就唔會咁早結婚生仔。」黃淑儀續說：「我一啲都唔覺得蠢，到而家都唔覺得後悔，況且呢一行運氣都好緊要，我好彩見咗鍾景輝之後，佢搵我拍《夢斷情天》的女主角，仲安排馮淬帆同我合作，姜中平做我阿爹，梁舜燕又做我媽媽，全部都會好戲之人，個個都大名鼎鼎，真係好好彩。」