「御用青樓女子」文凱玲遇交通意外與6個月大女兒同車嚇破膽

更新時間：19:00 2025-01-06 HKT
發佈時間：19:00 2025-01-06 HKT

「御用青樓女子」42歲的文凱玲（Connie），去年7月生B女兒得意可愛，跟IT才俊外籍老公一家三口生活得十分幸福。但文凱玲剛於IG發文，指昨天（5日）遇到交通意外，幸因為車速不快而沒有人受傷，但當時BB正在車中，若發生嚴重車禍，後果就不堪設想。

文凱玲被後車撼尾

文凱玲於IG限時動態中表示：「尋日坐車嘅時候發生咗小小交通意外，畀後面架車追尾，好彩當時喺個路口，兩架車車速都好慢，所以冇人受傷。」相信當時文凱玲正在駕駛前車，於路口停低時遭尾隨的車輛撼尾，但最終吉人天相。

相關閱讀：41歲「御用青樓女子」文凱玲囡囡早產！驚揭入院產檢變開刀：好驚好擔心

文凱玲揭遇交通意外：

文凱玲於限時動態中，放上她女兒當時在車中的照片，她隨後補充：「啱啱睇番尋日上車之後影嘅呢張相，諗起都覺得有啲驚，慶幸只係小碰撞，慶幸我哋每次坐車都會扣上BB車上的保護扣。」

文凱玲去年7月誕下女兒

文凱玲剛成人母不久，對BB當然特別緊張。在去年7月初，她上載剛出世女兒的新相，她當時大爆自己原來是早產：「當晚覺得BB比平時郁動少咗好多，就去咗急症室，諗住確認一下BB冇問題就可以安心瞓覺，結果直接住院做咗一連串檢查，成晚冇瞓之後醫生就同我講要即刻開刀。」文凱玲去年初宣布與拍拖五年的IT才俊外籍男友Jason結婚，二人在3月舉行婚禮，7月就誕下女兒。經過兩個月坐月，文凱玲恢復得不錯，不時帶囡囡外出遊玩。

相關閱讀：「御用青樓女子」文凱玲初生萌B專注飲奶被偷拍握緊拳頭怒啤鏡頭表不滿？