51歲伍仲衡被TVB「炒魷」後有新動向靠一貼身物激發鬥志：成身都燃起咗

更新時間：18:30 2025-01-10
發佈時間：18:30 2025-01-10

51歲著名音樂人伍仲衡疑因截糊與洪心怡簽約，上月初遭TVB「炒魷」叫停歌唱真人騷《中年好聲音3》評判工作，並由陳奐仁和黃凱芹頂替擔任評審。不用再上TVB的伍仲衡最近與老婆Ida徐麗芬出埠慶祝結婚一周年，去向未明的伍仲衡，今日（10日）被莫家淦率踢爆他的新去向。

莫家淦踢爆伍仲衡的新去向

莫家淦在小紅書發帖表示：「明星足球隊練球，來了一位新人！#伍仲衡#莫家淦#香港明星足球隊」。影片可見，身穿黑色明星足球隊風褸的莫家淦說：「今日我哋明星足球隊練波嚟咗一位新人…」鏡頭立即影着穿藍色波衫的伍仲衡，並播出伍仲衡在《中年好聲音》的影片。

相關閱讀：黎彼得突點名MIRROR連珠炮發：都唔係歌星嚟三字形容伍仲衡狂焫火頭

伍仲衡買新波衫加入明星足球隊：

伍仲衝80年代是足球校隊

莫家淦笑伍仲衡的造型似美斯，但只限於髮型似，伍仲衡卻認為自己似馬勒當拿、巴治奧，但遭對方笑他「嗦緊氣」，伍仲衡指自己廿多年沒有踢波，以前與莫家淦都是80年代足球校隊，比伍仲衡年輕9年的莫家淦即尷尬說：「即係我出世個年代！」伍仲衡即笑笑口指：「是旦你啦！嗰年我都係校隊嚟嘅！」

伍仲衡離開《中年好聲音3》後最新評審陣容曝光？

伍仲衡為加入明星足球隊買新戰衣

伍仲衡坦言自己每次踢完波，兩星期不能工作，「我身體酸痛，負荷唔到，但今次有華哥（黃日華），我好想同華哥領教下，有幾勁！啲波褲我噚日先買㗎！對鞋係華哥借畀我，我冇鞋呀！我唔踢波所以冇鞋，但而家會踢喇！我成身都燃起咗喇！」此時，黃日華大方表示：「呢個世界冇借，係送㗎！」而莫家淦也笑伍仲衡為了今次的練波，他可能要休息兩個星期。

↓立即下載星島頭條App↓