馬海倫專訪︱抗拒親熱戲寧做打女！憶與郭峰同床：都唔知幾安樂產後被程小東鬧爆「好X慢」

更新時間：09:00 2025-01-12
發佈時間：09:00 2025-01-12

《愛．回家》飾演清潔工「蘇姐」的馬海倫（Helen），一直被外界報細數指她只得73、74歲，她接受《星島娛樂》訪問，自揭生於1948年，屬老鼠，她入行60年，抗拒拍親熱戲，寧選擇做打女，惟動作打女的路也不易行，她曾試過墮馬身體受傷甩骹，生產細女兒何敏晴後接拍《鹿鼎記2神龍教》時又遭武指程小東爆粗責罵。曾經好執着的馬海倫經歷誤診患乳癌後，有感生命得到「重生」，從此一改固執的性格，凡事看開，好好活在當下。

馬海倫入行60年不願跟男對手拍親熱戲

馬海倫曾是邵氏花旦，入行60年演過不少角色，在TVB的36年裡曾兩度提名「最佳女配角」。2013年，她獲TVB頒發「傑出演員大獎」演藝事業得到肯定，但遺憾未能如願奪「女配角」獎項。馬海倫在演藝事業上守身如玉，她寧做打女也不想拍談情說愛的親密感情戲，「邵氏嗰時成日去練打、騎馬，唔想有感情事，嗰時好少kiss，攬攬錫錫我又驚喎！拍打就好少機會咁！」

馬海倫專訪相：

馬海倫拍戲與王羽拖手驚到手震

馬海倫1972年簽明星公司時，第一部接拍的電影《縱橫天下》，她要赴台灣拍攝，戲中兩大男主角的王羽和張沖都是型男，他們拍攝一場送別戲時，嚇得馬海倫手震，「我拖住王羽大哥送佢走，佢問我點解手震，我心諗『我都驚驚地你！』」馬海倫坦言從沒拍過親熱戲，只與郭峰拍過一場同床戲，「同郭峰拍TVB唔知咩戲，兩個瞓喺張床度，我處女下海同個男人瞓床，未試過親熱戲！」馬海倫沒有因此遺憾，「哎吔……唔可惜，都唔知幾安樂，達到我心願，同靚仔拍親熱戲NG上嚟都唔知點搞！」

相關閱讀：73歲娛圈富婆馬海倫施髮術年輕廿載演技獲TVB肯定上月底成功續約

馬海倫皈依法號「智海」：

馬海倫墮馬走過鬼門關

馬海倫年青拍戲時主打拍動作片，她曾經在城門水塘拍騎馬戲時墮馬撞甩骹，更險被馬匹踩中，在鬼門關走過，她憶述當時的危險情況至今仍猶有餘悸，「隻馬失蹄踩到啲石頭跪咗落去，我被拋落地，膊頭撞咗落地下手臂甩骹，隻馬喺我上面跨過，差啲俾隻馬踩死，丁佩姑媽係跌打師傅，佢扶我出去，冇止痛藥、冇止痛針打，夾硬托上去，成個九龍城寨都聽到我嗌，痛到眼淚狂流！」馬海倫為免媽媽擔心，回家時也不敢向媽媽透露半句墮馬，只輕輕說：「撞親啫！」她躺在床上不停流眼淚，食止痛藥也沒效，一百日不可以拿東西，甚至她報名打保齡球都不能打，「而家嚿骨凸咗出嚟！好彩冇舊患，開頭郁返打都驚甩出嚟，但呢嚿骨發脹咗之後，就縮唔返。」馬海倫沒有因此嚇怕騎馬，照樣繼續騎。

相關閱讀：73歲富婆甘草提前一年Fit爆備戰渣馬上月超越周潤發成最年長參賽藝人

馬海倫被程小東爆粗鬧

馬海倫在《鹿鼎記2神龍教》中飾演獨臂神尼，狂野演出十分亮眼，「《鹿鼎記》程小東做武術指導，我喺麗的拍過《天蠶變》，程小東仲以為我係嗰個年代仲打得，打到嘔電，仲要一隻手喎！一隻手好冇平衡力，嗰時仲畀佢話：『馬海倫，點解你咁X慢呀？』我好嬲話：小東，你日日喺度操，日日喺度練，我幾耐冇打呀！你睇吓我幾多歲！佢第一個鏡頭就吊威也倒拍，我要追威也，威也一扯就去，我點追呢，跟住佢話：『你好X慢！』嗰陣時我啱啱生完個女……」

馬海倫有個猛料丈夫：

馬海倫因誤診患乳癌改變人生觀

馬海倫在2003年一次婦檢中，被醫生檢查到乳房有「一粒嘢」，更誤以為是生乳癌，此事令她對人生觀改變了不少，「曾志偉好好，幫我搵寶媽（曾寶兒媽媽）喺台灣幫我book醫院，全身檢查，香港就每一part check，台灣有部機全身check晒，我check咗之後都話有機會，主診醫生唔喺度，另一個醫生話有機會係，叫我快啲抽個細胞化驗。」

馬海倫得悉結果放下心頭大石

當時，馬海倫很擔心年老的媽媽，加上大兒子何存廣準備結婚，如果她要做化療，頭髮甩晒怎算？最後馬海倫獲丈夫的醫生哥哥幫忙，找到香港乳癌權威的張醫生替她作進一步檢查，「台灣啲片攞晒過嚟，張醫生一睇話，『機會唔似係』，但係百分百穩陣，我幫你攞粒細胞出嚟切片化驗，我就入咗養和，朝早入下午三點幾出院。做完之後，佢好細聲同我講：『恭喜你，唔係嚟，係脂肪瘤』我喺養和出嚟時，抖咗啖氣，好似壓喺心頭大石突然間爆開咁，人生好似去到另一個階段，重生咁！」