《愛回家》小花葉蒨文「遇」交通意外車頭盡毀震驚沒人打999兼車輛繞路行

更新時間：16:00 2025-01-11
發佈時間：16:00 2025-01-11

TVB處境劇《愛．回家之開心速遞》飾演「Candy」葉蒨文（Sophie），獲得觀眾注意，成功入屋。葉蒨文昨日（10日）在社交網的限時動態出PO，透露自己遇到車禍，卻沒有人幫忙報警，令葉蒨文大感震驚。

葉蒨文交代意外

葉蒨文昨日在IG的限時動態出PO，只以文字交代意外，葉蒨文當時途徑中環，並打999救助：「我坐車啱啱經過IFC對出近住碼頭隧道口，見到一架車自己撞咗上壆，車頭爛晒、安全氣袋爆晒出嚟，身邊冇警察，亦都冇人圍住架車，經過咗之後，我諗諗吓覺得唔係好對路，我就打999問有冇人報過警，佢哋話我係第一個打去。」

葉蒨文遇見車禍震驚沒人報案：

葉蒨文續指當時路段有少許交通擠塞：「其實嗰段路有少少塞車，前面都有好多車繞過架車行，都唔知司機撞咗幾耐，我本身都唔敢相信冇人報警，我係第一個打去，希望冇延遲到救護！」

葉蒨文盼幫到司機

面對意外視若無睹，葉蒨文慨嘆不應該怕麻煩：「雖然我唔知點解目擊嗰啲人冇報警，又或者可能冇人直接目擊到，但我希望如果大家見到呢啲情況，經過事故現場，見到冇警察封路、冇人幫手，唔好怕麻煩！亦都唔好覺得可能有人報咗警，真係嘗試吓報警，呢啲嘢冇得搏㗎。咁就可以確保最快有人可以幫到司機，唔好錯過最佳嘅救援時間！」