前港姐亞軍楊洛婷爸爸離世！貼合照念亡父：永遠記住佢嘅教誨
發佈時間：15:35 2025-01-11
樂隊Dear Jane的主音黃天翱（Tim）在1月1日舉行的《2024年度叱咤樂壇流行榜頒獎典禮》奪得「樂壇組合」金獎後，在台上透露太太楊洛婷（Rabeea）當日帶同大女急飛溫哥華，探望正在ICU留醫的楊父，並希望借大家的掌聲集氣。不過今日（11日）傳來噩耗，楊洛婷的爸爸不敵病魔離逝！
楊洛婷撰寫對爸爸的思念
楊洛婷今日在IG貼上多張與爸爸合照，分別中、英文撰寫對爸爸的思念，楊洛婷說：「今日，我想用一啲時間紀念我爸爸，佢真係我嘅偶像。佢堅持嘅力量同決心令我深刻明白到抗逆力同努力嘅重要性。
相關閱讀：楊洛婷爸爸ICU留醫靠氧氣機助呼吸 曾三次做移植手術 多度病毒測試未確診病因
楊洛婷稱爸爸是生命中指路明燈
對於爸爸的離世，楊洛婷今日在IG撰文：「從我細個開始，我爸爸就教曉我乜嘢叫做賺錢養家。佢日日都努力工作，為我哋提供一切需要。佢嘅智慧就好似我生命中嘅指路明燈，總係鼓勵我去追求我嘅夢想，無論嗰啲夢想睇落幾咁冇可能。佢教導我明白信念、自信同追求目標團火幾重要，所以Tanya同Tristan嘅中間名係Faith（信念）同Heart（心）。佢留低嘅教誨永遠都會存在，提醒我哋要滿懷愛心同決心，繼續為我哋嘅夢想而奮鬥。」
楊洛婷續說：「我爸爸有著令人難以置信嘅求生意志，勇敢面對每一個挑戰，仲激勵住周圍每一個人。我好感激佢能見證我大學畢業、婚禮同四個孫出世。25年前，因為佢開始健康唔好，我曾經以為佢冇機會同我哋見證呢啲時刻。我會永遠記住佢嘅教誨，珍惜我哋一齊嘅每一刻。呢個世界上冇人可以比我爸爸更細心，佢嘅計劃同指導真係無人可比。佢為我哋日後生活精心撰寫嘅手寫天書，將會係我遵循嘅珍貴路線圖。我承諾會好好照顧媽咪，分享佢俾我哋嘅愛，守住個家，就好似佢所希望咁樣。」
最後楊洛婷還說：「Daddy，你話你嘅遺憾係養大咗一個同你一樣堅強嘅女兒，乜都要靠自己，但其實我做你個女真係好驕傲，更加驕傲嘅係——你係我嘅爸爸。您永遠係我心中嘅英雄。我對您嘅思念真係無法用言語表達，但您嘅精神會永遠伴隨住我，喺我所做嘅一切中繼續存在。」
相關閱讀：叱咤2024｜Dear Jane@Tim奪組合金獎驚爆老婆楊洛婷爸爸緊急入院做手術 台上求集氣為外父打氣
楊洛婷與媽咪似兩姊妹：
楊洛婷爸爸曾經歷兩次移植手術
早前楊洛婷曾在IG留言解釋今次爸爸入院的原因，她說：「我爸爸真係我認識最堅強嘅人！過去20多年來，佢經歷咗兩次心臟移植同一次腎臟移植，雖然佢服用嘅藥物可以防止排斥反應，但都令佢嘅免疫系統變得好脆弱，傷風或者咳嗽咁常見嘅病對佢嚟講都可能危險。」
楊洛婷又稱她的爸爸在最近一個月，出現很嚴重的呼吸困難，氧氣水平降得很低：「對佢嘅肺部造成咗永久性嘅損傷。醫生做咗好多病毒測試，但都未能確診。而家，佢只能靠氧氣機來呼吸。醫生已經盡咗最大努力，而家就要睇佢自己能唔能夠克服呢一切。雖然面對咁多挑戰，我哋依然充滿希望。佢喺整個治療過程中展現出嘅力量同堅忍，令我相信佢一定可以戰勝呢個難關！」
