38歲賴慰玲順利誕子！晒B仔相五官標緻 鼻高眼大萌爆
發佈時間：18:52 2025-01-13
38歲TVB女星賴慰玲（Winki）去年8月宣布陀第二胎，今日（13日）賴慰玲在IG宣布細仔已經出世，公開的四張合照中，老公未有出鏡，只見賴慰玲抱住囝囝，另一張相是7歲大仔照顧剛出世的弟弟，畫面有愛大晒兄弟情，而BB五官標緻，鼻高高眼大大樣子萌爆。
賴慰玲大仔為弟弟改名
賴慰玲透露由大仔為弟弟改英文名Kavis Leung：「弟弟出世啦！Super super Lovely，哥哥幫弟弟改咗英文名KAVIS Leung」。賴慰玲又表示細仔出世過程好驚喜：「過程充滿驚喜，最終可以聽到BB出世嘅喊聲，原來真係唔容易，我喊到護士問我係咪有咩唔舒服。」
相關閱讀：賴慰玲突晒相爆與TVB一線小生有逾廿年「關係」 懷孕挺巨肚發文感慨
賴慰玲宣布細仔出世：
相關閱讀：奔跑吧！勇敢的女人們丨蕭正楠為演渣男豁出去 向吳若希講大話又出軌 賴慰玲穿6吋高跟鞋拍足三個月
賴慰玲感謝醫護人員
原來今日是賴慰玲的老公生日，可算是收到一份特別的禮物：「今日我先生生日，呢份生日禮物唔錯呱，繼續一齊努力做父母，繼續Happy Wife Happy Life」。賴慰玲又多謝醫生幫忙解決問題，又好幽默地回答所有關於BB的問題，並多謝麻醉師播歌分散其注意力，賴慰玲亦不忘感謝醫院的所有護士：「令我成功成為弟弟嘅糧食啦」。
相關閱讀：38歲賴慰玲挺巨肚爆笑宣布再陀男B 陳瀅收起性感FIT爆身形走晒樣
賴慰玲獲圈中好友祝賀
賴慰玲誕下第二胎後，笑言自己又患上特別症狀：「我又患上咗我個BB最得意症啦，初生BB真係好可愛，淨係好想望住佢 #細龍 #趕得切逗利是 #哥哥弟弟 #哥哥期待已久的弟弟」。賴慰玲圈中的大批好友紛紛在帖文下送上恭賀。
相關閱讀：38歲賴慰玲宣布懷孕晒陀第二胎近照！月初現身遮肚藏喜訊 17年與舞台劇演員奉子成婚
黎諾懿《婚後事》激戰賴慰玲絕密片流出：
相關閱讀：婚後事大結局丨黎諾懿透露有兩個結局？ 賴慰玲發揮編劇本色欲開拍《身後事》
賴慰玲奉子成婚
賴慰玲於2017年與舞台劇演員梁子峰奉子成婚，大仔Marat同年出世，今年已經7歲，大仔與賴慰玲相當似樣。賴慰玲早前曾分享與老公結婚7年，坦言無懼七年之癢，亦慶幸自己有一段很簡單及純潔的婚姻，非常信任對方。
