前TVB主播揭意大利有假的士 發現車上一物識破騙局：會唔會去意大利KK園？
發佈時間：12:00 2025-01-15
《警訊》元祖級主持爸爸麥振江的32歲女兒麥詩敏（Gloria），是前TVB新聞台首席主播，去年9月與圈外男友何澤彬（Jasper）結婚，在酒店筵開30席宴請賓客。二人婚後火速到意大利度蜜月，麥詩敏昨日（14日）在IG分享影片，大爆當時的蜜月之旅，險變成意大利版本的詐騙。
麥詩敏談遊意注意事項
隨住近日內地爆出有演員王星（藝名：星星）、00後模特兒楊澤琪獲邀到泰國拍戲期間失聯，疑被「賣豬仔」到詐騙園區，王星幸獲已尋回，而楊澤琪就有逃出者爆傳出見過對方，事件引起廣泛關注。麥詩敏昨日在IG表示，在意大利度蜜月時，天光出發搭的士去著名景點，竟遇到假的士，麥詩敏以「假的士呃人騙局，意大利KK園區」，大談遊意大利注意事項。
相關閱讀：王星失聯2.0丨內地男模楊澤琪泰緬邊境失聯23日！父抵泰國求助：我怕再也找不到我兒子
麥詩敏意大利度蜜月遇假的士？
麥詩敏在IG表示：「意大利假的士注意，早上6點幾天都未光，又未瞓醒，比人呃咗！」麥詩敏在影片中指：「喺羅馬逗留咗三日左右，頭一日已經喺羅馬去過梵蒂岡一次，都係搭的士大約20歐（羅）左右，的士站上車。梵蒂岡真係超級多遊客，所以決定第二朝早啲去聖伯多祿大教堂，可以避過啲人潮。」
相關閱讀：王星失聯︱王星向女友分享最後定位 與緬甸詐騙大本營一河之隔
麥詩敏未天光出發
麥詩敏第二日早上6時許便出發，到前一日同一的士站上車，卻發現車上沒有計程錶（俗稱「咪錶」），司機向麥詩敏表示到目的地約40至50歐羅，因為早上7時前都會增加收費。麥詩敏表示：「佢（司機）話個錶喺手機度，埋單時佢就開咗個Printscreen出嚟，就話50歐（羅），嗰吓我哋心知就中伏。」麥詩敏之後上網睇法例，羅馬確實有一條法例在晚上會增加的士收費，但時間在早上6時前。
相關閱讀：元祖級《警訊》主持麥振江嫁女 前TVB主播麥詩敏穿「褂后」結婚
麥詩敏不幸中大幸
麥詩敏坦言算是不幸中之大幸：「我哋冇俾呢架假的士唔知車咗去邊度，唔知會唔會車咗去意大利嘅KK園區」。不少網民聽完麥詩敏的經歷，大為震驚：「的士都有假嘅？」、「全世界都有騙子，萬事小心」、「最緊要人平安，多謝你提醒」等。
相關閱讀：TVB前主播麥詩敏拍片講「賓州」？ 敖嘉年：由你個口講出嚟真係好特別
麥詩敏結婚靚相重溫：
