馬清鏗小三「五索」宣布消失 驚爆元配不知情：唔想牽涉到其他人嘅事
發佈時間：12:35 2025-01-15
馬清鏗／馬清鏗太太／鍾睿心／五索｜昨日（14日）《東周刊》獨家爆出，已婚有太太的大生銀行主席馬清鏗，與巨咪網紅小三「五索」鍾睿心（Rachel）暗交9年，更爆出「五索」認愛錢甘做小三。
小三身份曝光後，「五索」鍾睿心又再孖裕美拍片，片中見五索一臉凝重地與裕美走入便利店狂掃《東周刊》，看到只買得3本，五索坦言：「我而家好擔心。」裕美其後稱要為五索澄清一事：「其實由頭到尾我都知道呢件事，所以一直以嚟嘅拍，我都叫佢做返最真實嘅自己，自己舒服最重要。」
相關閱讀：馬清鏗已婚有老婆三十多年 16年來未曾公開提太太 啜爆網紅小三斷正
馬清鏗與五索兩人慶祝相戀紀念日
《東周刊》日前獨家拍到，已秘密「行埋」9年的34歲的五索和66歲的馬清鏗兩人慶祝相戀紀念日，情到濃時，竟然旁若無人地啜爆；期間，五索又施展「揸籮龍爪手」，將男方牢牢掌控住！據密友透露，五索成功姣擒身家逾百億元的馬清鏗，靠的除了靚樣及巨咪之外，還有箍實男人的智慧，難怪她的身家已「億億聲」。
五索突收起浮誇作風拍片回應事件
事件曝光後，五索曾回覆傳媒稱不介意承認自己是小三，甚至揚言「小三比正宮更有錢。」其後五索又再孖裕美拍片，今次五索一反常態，突然收起笑臉兼浮誇作風，一臉憂戚到便利店掃《東周刊》，接着又拍片回應事件：「因為呢件事我最驚唔係自己嘅名聲受損，係因為牽涉到人哋嘅家事，咁所以我係會暫時消失喺social media一段時間。因為佢嘅屋企嘅元配並唔知道呢件事，咁我唔想牽涉到其他人嘅事。」
相關閱讀：《東周刊》獨家爆身家逾百億大生銀行主席馬清鏗小三身份！直擊「五索」施揸籮龍爪手姣擒
裕美為五索全力護航
片段發布後，很快惹來不少爭議，有人說：「一堆人仲講加油真係sXs，做自己唔係問題，問題係傷害人哋吖嘛，做小三做到咁高調你都幾好嘢！」、「其實唔係好明，如果真係驚出事點解要咁高調玩IG做網紅？」裕美亦有回應：「主要冇諗過咁快紅」，還有人說：「其實佢平時咁高調炫富，一定好快比人爆料，應該預咗會係呢個結局。同埋佢有冇諗過，爆左出嚟係會影響呢段感情、同埋會影響小朋友嘅家庭生活。」裕美留言反擊：「高調係佢喜愛，我唔鍾意改變人，你亦無法改變一個人，佢自己嘅事自己會去諗，旁人冇權決定。」
如想了解更多，點擊睇《東周刊》詳細報道：林作裕美閨密「五索」大起底 真身係大生銀行主席馬清鏗小三
