《東張》女神貓仔黎寬怡絕密婚紗照曝光 神秘未婚夫背景大踢爆 谷胸晒腿出道以來最性感？
發佈時間：15:52 2025-01-17
29歲的《東張》女神「貓仔」黎寬怡（Kitty）上星期宣布與拍拖多年的攝影男友阿Sing結婚，同時完成進行過大禮儀式。兩人將於下月舉行婚禮，近日他們拍攝了一輯甜蜜滿滿的婚紗照，「貓仔」身穿低胸吊帶白色裙，上圍澎湃勁搶fo，「貓仔」更受訪分享與未婚夫相識經過及成長經歷，兩人拍拖8年多，下月結婚當日正是相愛9周年。
「貓仔」婚紗照5個造型
準新娘的「貓仔」待嫁心情非常之興奮，新一輯甜蜜婚紗照換足四套晚裝，一套婚紗，阿Sing則換上三套禮服，身材高䠷的「貓仔」穿上簡約婚紗時，她與阿Sing頭貼頭拍攝，又依偎未婚夫，另一輯身穿粉藍色紗裙的婚婚照，「貓仔」從後攬實阿Sing，更鬼馬錫錫阿Sing的面珠，甜蜜爆燈！而最吸睛的一輯相是「貓仔」身穿黑色low cut連身開衩裙，「貓仔」上圍立體震撼，加上白滑的修長美腿，完全展現她的美好身材。
相關閱讀：《東張》女神「貓仔」黎寬怡下月結婚！過大禮巨型龍鳳鈪兼金頸鍊搶fo 參茸海味擺滿三張枱
「貓仔」黎寬怡婚紗照：
兩人相識組過
「貓仔」憶述兩人相識於拍攝比賽，「以前讀書嘅時候，我同阿Sing因為幫幾位同學仔參加fashion styling比賽拍攝認識，我係當時嘅model，而阿Sing就係當時嘅攝影師。比賽雖然冇贏到，但係就贏咗呢一班朋友仔嘅友誼。」
相關閱讀：東張西望丨團隊追訪刺身姐被質疑「先撩者賤」 女神黎寬怡列三點回應被襲事件 否認故意被打
朋友甩底「貓仔」主動出撃
「貓仔」續指，大家一班人開始約出去食飯、行街、睇戲，「頭嗰幾次相聚都係成班朋友，當時同阿Sing彼此都係普通朋友。」然而，一次幾個朋友未按約定自行先行去看電影，只有「貓仔」和阿Sing還未看過，「剛好，當其時的我剛剛同前任分手兩天，又傷心又難過，仲要俾班朋友仔賣甩咗。我就膽粗粗直接約阿Sing陪我睇戲，由於佢真係好想睇部戲，所以就算係得兩個人我哋都照出咗去睇。」
相關閱讀：東張西望丨襲擊畫面終播出！刺身姐獲老翁護花攻擊攝影師下體 黎寬怡敏捷避鐵製武器
「東張+」點名十位東張女神IG粉絲數：
互相分享對前度的思念
「貓仔」與阿Sing睇完戲當晚，她忍不住哀傷，跟他分享了很多對前度的思念及回憶，「佢聽完之後完全冇嫌我煩，仲反過來安慰我，甚至分享咗佢唔少對前任嘅記掛同往事。我先知道原來當時嘅佢仍然好鍾愛佢嘅前度，但係卻慘遭拋棄了。」
協議陪對方同行
「貓仔」憶述當時的心情，「當晚我哋傾咗好耐好耐，最終我哋之間立下了一個協定，不如一起陪對方同行，如果等到任何一方嘅前度回頭，我哋嘅約定就告吹。當其時，大家都係抱住期待前度嘅回歸，但冇想到前度就等不到，反而遇見到彼此的好同真，慢慢地一齊笑、一齊喊、一齊扶持、一齊經歷、一齊成長。」
相關閱讀：東張西望丨黎寬怡還原被推落地遇襲經過 揭事主「扮嘢」反咬真相
「貓仔」未婚夫多優點
「貓仔」與未婚夫已相戀8年，兩人結婚當日正好是相愛9周年，「貓仔」大讚未婚夫阿Sing善良、溫柔、對人好細心、富幽默感同親和力及孝順，「常常對世界充滿好奇、喜歡學習嘗試、有上進心；思想上成熟，願意為自己的夢想和所愛拼搏，又稱讚道「我欣賞佢識得享受生活嘅同時，遇上逆境同困難，卻從來唔怠慢，當然都係個靚仔嚟嘅。」阿Sing優點多多，但「貓仔」也指阿Sing的唯一缺點是對食物要求好高，「好彩佢煮嘢食好叻，婚後佢會教我煮嘢食，唔使我餓死。」
相關閱讀：東張西望丨黎寬怡採訪又搵命搏！險遭馬騮襲擊嚇到花容失色 徒手摸廚餘垃圾
「貓仔」想二人世界
問及「貓仔」婚後可會立即造人生BB？「貓仔」表示目前想享受二人世界，「雖然阿Sing同屋企人都好鍾意小朋友，不過我私心想遲啲，因為阿Sing超級鍾意去旅行，但入行後七年幾以嚟，都只係同佢出過一次國玩，所以都好想，緍後想去多啲旅行，過下二人世界先。」
相關閱讀：東張西望丨精液斷診「女中醫」被捕！黎寬怡被推撞上演追逐戰 驚恐表情逐格睇
