「賈名媛」邱芷微過大禮！巨型花膠加金器多到「滿瀉」龍鳳鈪粗過條頸

即時娛樂

更新時間：17:45 2025-01-18
發佈時間：17:45 2025-01-18

憑《愛．回家之開心速遞》「賈名媛」一角成功入屋的37歲邱芷微（Chelffy）與武打演員男友陳志忠（Wilson）將於下月28日結婚，今日（18日）邱芷微在IG貼上過大禮的相片，寓意婚禮即將進入倒數階段。

邱芷微過大禮儀式相當震撼

邱芷微過大禮的儀式相當震撼，巨大的流星錘龍鳳鈪極之搶fo，看起來隨時「粗過條頸」，有大大串的金豬牌頸鏈，黃金后冠與及多套金器，而且蔘茸海味的數量極之多，花膠「大個過頭。」

邱芷微過大禮儀式奢華又震撼：

儀式過後，邱芷微說：「日前完成了過大禮儀式。這也是我倆籌備婚禮的其中一項傳統環節。當日有出席嘅親朋們都話我哋這個過大禮，除了夠傳統之外，最重要是做得大方得體，充滿儀式感。之前個個都話過大禮要呢度買嗰度買嘢好麻煩，但係今次呢個經驗話我知，複雜得來又方便咗容易咗。」

邱芷微讚未婚夫過大禮有誠意

邱芷微還說：「由於陳師傅係潮州人，所以為表誠意，今次過大禮都特別加料去買潮州嫁女喜餅，盡顯家鄉傳統，令同是潮州人的我媽媽都倍感高興。呢個真係要讚陳師傅特別走去九龍城買。另外之前陳師傅帶我去咗揀金器，當時真係唔知應該戴邊啲金器最適合，最後當然要感謝有份出席及幫手嘅每一位親朋，令整個過大禮過程非常順利#而家過大禮容易咗#時間過得好快#好快到bigday。」