馬清鏗疑曾與小三五索出富二代婚宴惹仇富問題 因一事狂讚「富商A」年紀大仲好勁
發佈時間：13:10 2025-01-19 HKT
馬清鏗／馬清鏗太太／鍾睿心／五索｜已婚有太太的大生銀行主席馬清鏗早前被《東周刊》獨家爆出與巨咪網紅小三「五索」鍾睿心（Rachel）暗交9年，甚至更被指為馬清鏗誕下四名孩子，其後五索接受《東周刊》獨家專訪，自豪地表示因為樣靚身材正，九年前出席富豪飯局，第一次跟馬生見面，從此改寫了她的命運。
五索透露曾出席城中富二代結婚
五索被指多年來極受寵幸，因為好生養的關係，不單獲源源不絕地送錢、送樓和送車，甚至疑與馬清鏗出席富豪界的活動！去年12月10日鄭家純孻仔鄭志亮（Christopher）結婚，在家族旗下的瑰麗酒店（Rosewood）舉辦婚禮，城中高官富商個個畀面出席，馬清鏗疑與「小三」五索出席婚宴，五索翌日在IG拍片透露自己亦有份出席城中富二代結婚。
相關閱讀：馬清鏗小三「五索」三度食言！因一事竟然爆喊 黃心穎慘被拖落水：已經變咗啦？
「小三」五索疑與馬清鏗出席富豪活動：
五索在鄭志亮結婚翌日談及仇富問題
鄭家純孻仔鄭志亮結婚翌日，五索在IG談及香港人「仇富」問題，「噚日呢就係一個城中富二代結婚，成個尖沙咀嘅交通都淪陷咗啊，呢個時候我只可以離兩條街嘅地方落車，行過去Rosewood。喺街度有一個中年男人異常地激動，『唓，有錢人大晒啊？結婚做乜阻Q住晒呀！』我話畀你聽，有錢人真係唔係大晒，九成九啦，至少佢結婚會令到成個尖沙咀淪陷咗啦，你結婚唔會囉，冇人知囉。」五索更囂張地說：「你好似我咁呀嘛，遇到所有有錢人你都擦鞋，越有錢越擦，十倍、廿倍、卅倍咁擦上去，有一日，有一日你終會擦到自己變成有錢人。你唔鍾意有錢人代表咩？代表你唔鍾意錢呀，你應該視佢為學習對象，學我喇，只有擦鞋先幫到你㗎咋，真係唔好再仇富啦，香港人，所以點解香港咁多窮人呢？太仇富啦真係。」
相關閱讀：《東周刊》獨家專訪馬清鏗小三「五索」 自爆真空姣擒大生銀行主席：成枱有錢佬𥄫實我
五索多次分享與「富商A」的相處軼事
五索過往多次在IG分享與「富商A」的相處軼事，五索表示縱然自己煮嘢難食、唱歌走音、化妝化衰了，仍獲「富商A」激讚，令自己慢慢建立自信：「佢係冇一秒批評我，從來都冇，呢樣嘢係幾多錢都買唔到，不過錢都係最重要！」五索曾分享過一段「富商A」自信爆棚的故事：「喺富豪界入面，因為佢而家都做得我阿爸嘅關係，佢個樣都唔會特別靚仔啦，都ok啦，但又唔係核突到嘔嗰啲啦，即係唔係啲大肥佬嘅有錢佬啦。有一次經過啲租船嘅船，上面有一堆MK仔喎，咁成班MK仔係用一個非常諷刺同寸嘅語氣去講反話喺度讚佢，『Woo好型啊』即係成班喺度笑，狂笑恥笑咁樣啦。呢個時候富商A好認真咁回應咗佢一句，一秒都唔使，『吓，係咪真架，你都好型啊！』呢個時候佢一秒鐘KO晒成班MK仔，佢勁呀真係，佢啲自信我真係，唔知喺邊度嚟。」
小三五索認愛錢甘做小三：
相關閱讀：小三「五索」傳為馬清鏗五年抱四！曾高調晒富商A陪囡囡讀書 山頂豪宅媲美遊樂場
五索讚富商A有錢又有自信
五索續說：「嘩，原來只要你有自信到一個位呢，係任何人都唔會攻擊到你囉，因為嗰吓真係唔知點應佢呀！係佢真心覺得自己好型，所以佢好多謝人哋讚佢，但佢真係唔知道人哋真心笑佢。」雖然事後她有跟富商A說是因為老仍玩水上電單車而被恥笑，但富商A反指五索「痴線」，五索說：「佢真係覺得好型，真係抵佢咁有錢，原來有好多嘢自信係解決好多問題，所以同咗佢一齊之後，我係由一個好自卑嘅人呢，慢慢變得敢做自己多啲，然後呢一種自信可以令到你個人變得比較順啦、成功同比較正面。」
