馬清鏗小三「五索」降呢窮遊秀茂坪 嘆自己太紅：唔鍾意人問我拎錢
發佈時間：15:33 2025-01-23
孔令琦／馬清鏗／小三五索｜66歲大生銀行主席馬清鏗早前被《東周刊》獨家爆出與小三「五索」鍾睿心（Rachel）暗交9年，甚至更被指為馬清鏗誕下四名孩子，五索囂張炫富態度令人咋舌。五索早前曾表示會遠離社交網，但她又火速推翻自己的說話，繼續和各方舌戰。昨日（22日），五索同裕美在IG上共同發佈了一段影片，當中二人一起去室內遊樂場，又坐私家車到秀茂坪，五索更慨嘆自己現在很紅仍未習慣。
五索「降呢」與裕美到秀茂坪散心
昨日（22日），五索同裕美在IG上發佈了一段影片，並留言：「帶@5kidsokma出城」，片頭裕美身穿淺灰色衛衣出鏡，在室內遊樂場對鏡頭說：「五索困住咗係屋企好耐嘞，我決定帶佢出嚟散散心」，然後五索就戴住LED光療面膜儀出鏡，並騎著遊樂場的旋轉木馬雙手比耶。裕美便問：「係咪好開心呀？係咪好刺激呀？」二人隨後就玩場內其他遊樂設施如打籃球及彈珠機等，玩得相當盡興。五索曾超級串嘴回應網民批評，她承認自己是賤人，更揚言自己住山頂，嘲諷網民住秀茂坪。不過，片中五索就同裕美坐私家車到秀茂坪食紅豆沙，五索十分熱情地對鏡頭向當地居民打招呼：「秀茂坪嘅居民你哋好」，其後又一邊食朱古力，一邊說：「我心情好返晒啦！」
相關閲讀：馬清鏗小三「五索」更新社交網 一舉動耐人尋味 疑向全世界示威？
五索同裕美坐私家車到秀茂坪：
五索慨嘆自己現在太紅
五索一邊轉換LED光療面膜儀的光，一邊說：「由於宜家我已經太紅嘅關係，可能係一種光已經會有人認得我，咁我會有機會隨時轉光，佢哋就話你係唔係五索呀？我話唔係，我又轉，我又轉，我又轉，轉到你話唔係為止咯！其實講真呢幾日出街係好多人問我拎簽名，唔慣咯，始終做開有錢人咁耐，唔鍾意人哋問我拎簽名。鍾唔鍾意人哋問你拎錢？唔鍾意人哋問我拎錢，我淨係問人拎錢㗎咋，宜家最差都係搬去麥當勞道㗎咋」，裕美便回應：「幾好嘅，搬去同我做鄰居，我隔離嗰個單位空哈哈哈哈」。最後二人落車在秀茂坪欣賞夜景，五索便說：「多謝美美帶我去秀茂坪睇夜景，秀茂坪原來真係一個美麗嘅地方」，二人更在街邊一起熱舞，畫面相當搞笑。
相關閱讀：鄧兆尊斷定五索想另覓碼頭！揭好友女星同時跟六富商意外懷孕 公開背景呼之欲出？
「小三」五索疑與馬清鏗出席富豪活動：
