黎彼得再度炮轟伍仲衡犯眾憎！直認兩人絕對陌生 因一事轟對方：自己知自己過去嘅事
發佈時間：15:12 2025-01-24
有「鬼馬填詞人」之稱的74歲黎彼得（Peter）近年為YouTuber，他不時其YouTube節目《玖噏秘笈》連珠炮發圈中事，早前狂轟伍仲衡絕非如顧嘉煇這種殿級人物，甚至批評他在《中年好聲音》擔任評審時的風格，又稱對方不戴耳機扮型，「根本就自己屎忽鬼，扮晒老虎魚蝦蟹，講埋啲嘢語無論次」。
黎彼得依然寸嘴轟伍仲衡
事件在網上惹來不少迴響，黎彼得昨日又再在頻道拍片，雖然黎彼得稱回應網民意見要靜思己過，不過最後依然寸嘴：「我同伍公子完全點頭之交都冇，絕對係陌生，但係你同一個陌生人竟然會插得佢咁緊要，呢件事好簡單，因為佢寧犯天條，莫犯眾憎。」
相關閱讀：黎彼得突點名MIRROR連珠炮發：都唔係歌星嚟 三字形容伍仲衡狂焫火頭
黎彼得繼續寸爆伍仲衡？
黎彼得直認與伍仲衡絕對是陌生
昨日黎彼得在自家YouTube頻道上載了一段新片，繼續寸爆伍仲衡，他說：「首先我要表態，因為各大報章講到我同伍仲衡啲些恩怨，其實邊度有，我同伍公子完全點頭之交都冇，絕對係陌生，但係你同一個陌生人竟然會插得佢咁緊要，呢件事好簡單，因為佢寧犯天條，莫犯眾憎。呢個伍仲衡做嘢我唔抵得頸，不過我自己都有缺點，即是一隻手指對住人，三隻手指對住自己，所以我成日都怪自己，唔應該咁樣指責人。」
相關閱讀：黎彼得剖白與許冠傑恩怨！對「歌神」得呢種感覺 罕談與許太關係：畀人擺咗我上枱！
黎彼得叫大家畀條路伍仲衡行
黎彼得續說：「不過冇辦法，過去已成過去，我又想太過針對佢，因為佢都罪不至死，尤其係罪不及妻兒，既然呢件事已成過去，我喺呢度專登表態，因為有十幾二十個頻道都有提及我呢件事，我覺得好感激佢哋，關心我就好感謝，我係好安慰。」對於後續的事情，黎彼得坦言想表態：「我既然對伍公仲衡完全冇關係，就唔好搞到人哋好似完全冇嘢撈，畀條路人哋行喇，啱唔啱呀？」
相關閱讀：中年好聲音3丨伍仲衡要人「供奉」？親回聽歌唔戴耳機之謎：可能戴咗塞住耳仔舒服晒
伍仲衡回應聽參賽者唱歌不戴耳機的原因？
黎彼得叫伍仲衡畀心機做人
黎彼得得悉伍仲衡夫婦去了歐洲散心後說：「咁都好，衰嘅嘢抹咗佢，人生唔如意嘅事十常八九，唔需要嘅伍公子，人人都有錯的，不過算數喇，黎生唔啱，可能責怪錯你。不過想送兩句說話畀你，第一句就是『靜坐常思己過，閒談莫論人非』不過我改咗一個字，就係靜坐常思就唔係常思己過，而係常思改過， 知道嗎。要改過，積極啲，要將以前做過嘅嘢，抹咗佢重新開始，重新出發，冇所謂嘅。閒談要論說人非，點解要說人非呢？呢啲人又唔明白，乜嘢叫人事人是？就唔好話對事不對人，應該係對人不對事，點解呢？因為所有錯事、所有壞事都係人為，你睇好多新聞就知道，全部都係人為，唔係天災，所以要明白，好多時對事不對人係錯，應該係對人不對事，所以以後呢兩句要改，『靜坐常思改過、閒談要論人非』，人係有好多非，包括自己，自己都係人，希望伍公仲衡記住我講嘅，記住呢兩句話，我改咗喇，以後畀心機努力做人，冇沒所謂，自己知自己過去嘅事，抹咗佢。」
黎彼得在YouYube頻道上狂踩伍仲衡
伍仲衡去年12月疑因截糊與洪心怡簽約而遭TVB「炒魷」，叫停歌唱真人騷《中年好聲音3》評判工作，其後黎彼得在YouYube頻道上狂踩伍仲衡：「你咩料呀？又唔係Manage過咩好嘅Artist，本身唔係經理人，你太太又話好多Connection，即係點呀？你係陳淑芬呀？你唔係吖嘛。」黎彼得又稱不知伍仲衡出身，也不覺他有任何業績，絕非如顧嘉煇這種殿級人物，甚至批評他在《中年好聲音》擔任評審時的風格，「你就自卑變咗自大，以為自己嘩，你冇我呢盞燈你就冇機會得冠軍」，又稱對方不戴耳機扮型，「根本就自己屎忽鬼，扮晒老虎魚蝦蟹，講埋啲嘢語無論次」。
