馬清鏗小三「五索」不滿被鬧個樣核突得個胸寸爆反擊公開「尺寸」：我XX都好靚

更新時間：13:05 2025-01-25
發佈時間：13:05 2025-01-25

馬清鏗／馬清鏗太太／鍾睿心／五索｜已婚有太太的大生銀行主席馬清鏗早前被《東周刊》獨家爆出與巨咪網紅小三「五索」鍾睿心（Rachel）暗交9年，甚至更被指為馬清鏗誕下四名孩子，其後五索接受《東周刊》獨家專訪，自豪地表示因為樣靚身材正，囂張炫富態度成為城中熱話。

五索出招直言對腳都好靚

曾經一度聲稱要「暫時消失喺social media一段時間」的五索，「消失宣言」不足便被推翻，她連二連三拍片，由「心情已經差到落谷底」演變成「花式晒命」，再孖住裕美去秀茂坪遊玩兼做Spa歎下午茶，寸咀指出街簽名簽到手軟。昨日五索又出招直言：「其實除咗個胸之外，我隻腳都好靚。」

相關閱讀：馬清鏗小三「五索」降呢窮遊秀茂坪嘆自己太紅：唔鍾意人問我拎錢

五索同裕美坐私家車到秀茂坪：

五索繼續拍片玩「花式晒命」

小三「五索」短暫「潛水」後，繼續與裕美拍片玩「花式晒命」，昨日（24日）在IG上載了一條車廂對話的影片，影片中，裕美負責揸車，五索負責拍片，五索一臉不屑地說：「有好多網民話我個樣好核突，剩係得個胸，其實除咗個胸之外，我隻腳都好靚，真係有43吋。」

五索豪言簽名簽到手軟

連日來小三「五索」懶理負評，定時在IG拍片晒命，日前五索在IG限時動態貼上載對鏡子拍的照片，見她穿上low -cut上衣配短褲，大晒白滑香肩兼長腿，並開心表示一星期減了10磅。裕美曾問五索心情，五索豪言：「下？我淨係睇到啲人讚我同欣賞我咋喎，同埋有一日我係忍唔住出街食嘢啦，我已經戴晒口罩戴晒帽，勁多人認得我，後尾簽名簽到手軟，咁我咪匿埋喺屋企囉。唔想再簽名，我隻手真係頂唔順。」

相關閲讀：馬清鏗小三「五索」更新社交網一舉動耐人尋味疑向全世界示威？