胡慧冲呼籲泰遊小心「同聲同氣」！一原因不直搗KK園：我係做唔到
發佈時間：21:30 2025-01-25
KK園區/詐騙/賣豬仔丨早前內地男演員王星早前遭電詐集團以「到泰國從事拍攝工作」為由誘騙到緬甸KK園區，同時還有不少港人與及東南亞人士被「賣豬仔」誘騙至KK園區，強逼從事非法活動，事件令人心惶惶。香港政府早前對緬甸及泰國發出黃色旅遊警示，表示緬甸及泰國有威脅跡象，旅客需要留意當地局勢及提高警惕。
胡慧冲拍片中談及KK園區事件
「泰國通」胡慧冲日前在個人YouTube頻道「胡慧冲遊泰國」拍片中談及事件，在片中開首，胡慧冲第一樣說的就是「泰國安唔安全」。他說：「大家問泰國究竟安唔安全呢？大家應唔應該嚟？其實我唔會答呢個問題，因為基本上你會見到新聞報道，訪問一啲居泰港人，佢哋都有佢哋嘅答案，仲有一樣嘢我哋都要聽政府講啦，政府而家畀咗黃色旅遊警告，唔係紅色喎，黃色即係要謹慎同小心啲。」
相關閱讀：胡慧冲陳年舊照曝光十足蘇永康分身！竟然仲撞樣一位天后老公 網民評顏值完勝？
胡慧冲提供泰國旅遊安全貼士：
相關閱讀：TVB女星疑遇KK園騙局？出6位數指定去泰國影泳照 曾被開價千萬陪過夜
胡慧冲提供幾個旅遊安全tips
胡慧冲提供幾個旅遊安全tips，他說：「而家呢個情況大家都好擔心會亂咁上車，既然係咁不如叫車用Grab（Taxi），Grab有晒資料，電話，有咩事都呼救有援。如果真係擔心嘅話，亦都可以將行程同司機資料交畀屋企人，有咩事都可以搵得到。仲有泰國旅遊警察已經有application，已經可以必要時按SOS，就即時有幾種唔同語言嘅溝通方法，亦都可以share location，兼且我問過，可以24小時打去，理論上都有人聽。」
胡慧冲出外旅遊要打醒12分精神
不過胡慧冲表示出外旅遊要打醒12分精神：「如果喺街上遇到啲陌生人，有人懶係同聲同氣搵你傾偈，畀啲着數你，就真係要好小心，甚至唔係同聲同氣，之前都有一啲外籍人士搭訕『你有港幣，可唔可以借嚟睇睇，跟住就換咗你啲錢』呢啲都會有。我經常講泰國唔係百分百安全嘅地方，世界各地都唔會百份百安全。」
相關閱讀：陶大宇無懼電騙到柬埔寨登台已安全抵港 獲軍人貼心照顧：去洗手間都喺後面
陶大宇莫家淦獲勞斯萊斯接送：
胡慧冲直言不要期望他直搗KK園
胡慧冲又指目前曼谷市面一切如常，曾有指泰國前總理他信透露，泰國內閣討論後，已要求泰國地方電力公司和各大電信公司禁止與鄰國一方合作，切斷這些服務，以禁絕鄰國的電話詐騙團夥和毒品生產活動，胡慧冲說：「期望泰國政府做咗之後令佢哋更加難生存，然之後更加少一啲受害者。」不過，胡慧冲他也澄清說：「雖然大家覺得我同泰國政府好熟，但我只不過係一個旅遊達人，我能夠講到一啲資訊。但我得一對手一對腳，唔好期望我直搗KK園，直搗黃龍，我係做唔到。」
