星8卦丨「古惑」愛滾「大婆」心水清每年計數 互相尊重高人夫婦
更新時間：11:30 2025-01-28
發佈時間：11:30 2025-01-28
發佈時間：11:30 2025-01-28
字體大小
好多人都唔明點解「古惑」可以瞞住老婆街頭一個街尾一個都唔會婚變。男人嘅嘢，你肯畀尊重「大婆」就得㗎啦，「古惑」仲要人前人後好似好驚老婆咁。不過表面睇佢真係對老婆扶出扶入，落雨擔埋遮，老婆呢，好樂意接受，亦扮得好恩愛。
相關閱讀：星8卦丨「阿太」被老爺揀選嫁好人家 難頂小三小四騷擾情緒出事
「古惑」身邊好多擦鞋仔，養住呢班人係幫佢搵嫩口又乾淨嘅少女，因為「古惑」怕污糟， 所以有個條件就係搞第一次，自己就最安全。「大婆」明知佢係色心未盡，所以同佢講唔好搞到一身病就畀呢個自由度，「古惑」梗係誓神劈願話自己冇出去亂嚟，有都一定返嚟講嘅。
相關閱讀：星8卦丨「醜爸」乘人之危娶「斯文」離婚多年冇斷財路證真愛
「大婆」份人陰滋斯文又溫柔，「古惑」算過命呢個女人最旺自己，所以特別遷就亦見佢好識做， 所以相處融洽。有次一班人食飯，大婆唔大聲唔細聲當住全世界對「古惑」講咗句：「你今年埋數使喺啲女 身上都有五、六百萬，明年市道唔太好，唔好咁闊佬啦！」
相關閱讀：星8卦丨「花旦」錯嫁破產「伯伯」轉名下物業被充公蝕大本
古惑呆咗一呆，即刻賠笑面：「老婆真厲害，我自己都計唔到條數添，好，明年慳啲駛！」大家震驚係一個乜都知心水清，一個鍾意玩但唔知畀人知晒咁多嘢，但又得到絕對嘅尊重， 呢種夫妻相處方式真係高人至做到！
最Hit
屯門連鎖酒樓初一免攞飛等位？港男感慨前幾年攞飛輪候百幾人 北上效應？網民一語道破真實理由
2025-01-30 15:42
港連鎖快餐店「盆菜」廣州急凍運港？貨疊貨照片疑露玄機 網民：今日先知｜Juicy叮
2025-01-30 15:42
