馬清鏗小三五索「爆紅」多謝《東周刊》 High爆感激偶像伍詠薇抽水
發佈時間：11:30 2025-01-26
馬清鏗／馬清鏗太太／鍾睿心／五索丨已婚有太太的大生銀行主席馬清鏗早前被《東周刊》獨家爆出與巨咪網紅小三「五索」鍾睿心（Rachel）暗交9年，被指為馬清鏗誕下四名孩子，五索之後接受《東周刊》獨家專訪，自豪地表示因為樣靚身材正，囂張炫富態度成為城中熱話。五索與好友裕美拍攝新片昨日（25日）上載到IG，開心稱「我而家真係太紅喇」，獲偶像伍詠薇模仿，更多謝《東周刊》刊登封面。
五索分享開心事
TVB《萬千星輝頒獎典禮2024》早前邀請伍詠薇與詹瑞文擔任「最佳綜藝節目」頒獎嘉賓，二人緊貼時事，伍詠薇在台上化身「伍索姑娘」，模仿「五索」藐嘴藐舌反白眼的舉動，掀起熱話。五索昨日在IG分享與裕美的開餐片，表示要分享一件開心事。
相關閱讀：《東周刊》獨家爆馬清鏗小三「五索」挑機馬太孔令琦 絕密片段流出：我邊得閒理人哋感受？
五索孖裕美拍片感謝《東周刊》：
34歲的「五索」與裕美拍攝影片，分享開心事，五索表示從小已鍾意睇《家有囍事》，因此見到伍詠薇在台慶頒獎禮上模仿自己時，感到既驚且喜：「係伍詠薇呀，係伍詠薇都要模仿我呀！我細細個已經睇你㗎喇，我已經睇過家嫂呢個角色幾萬次，真係好開心。連偶像都模仿我，我真係開心咗好耐呀，多謝你伍姑娘，我真係好鍾意你。」
相關閱讀：馬清鏗小三「五索」降呢窮遊秀茂坪 嘆自己太紅：唔鍾意人問我拎錢
五索自稱太紅
五索原來曾經見過伍詠薇：「其實我好多年前已經見過你，喺lift度，你有同我講過嘢㗎。我而家真係太紅喇，連一個咁出名嘅明星都要仿效我，都唔知哪裏來嘅福氣。」五索更不忘感謝《東周刊》：「我真係多謝東周刊，你哋真係好人，俾個封面我上。」
相關閲讀：《東周刊》獨家爆馬清鏗夫婦分開住 馬太孔令琦底細曝光 與陳寶珠屬密友關係
TVB頒獎禮2024丨伍詠薇扮「伍索」妙語連珠：
《萬千星輝頒獎典禮2024》上，伍詠薇與詹瑞文擔任「最佳綜藝節目」頒獎嘉賓，伍詠薇與詹瑞文在台上以近日被《東周刊》獨家爆料，已婚的大生銀行主席馬清鏗與巨咪網紅小三「五索」鍾睿心（Rachel）暗交9年，成為熱話的五索連番豪言，被詹瑞文和伍詠薇在台上抽水，詹瑞文表示：「我冇見你咁耐，我第一個感覺係你好索呀，因為你係伍姑娘，我覺得你係『伍索』姑娘囉。」「五索」上身的伍詠薇邊撥頭髮、邊反白眼地說：「我都費事同你講，日日都聽埋啲咁索嘅嘢。」
相關閱讀：馬清鏗小三「五索」更新社交網 一舉動耐人尋味 疑向全世界示威？
伍詠薇「五索」上身
詹瑞文再問是誰邀請「伍索姑娘」做頒獎嘉賓，「伍索姑娘」以寸嘴口吻說：「因為我太索又太靚，係喺TVB最高嗰層樓嗰班高層邀請我嚟頒獎，我太靚喇！好索呀可？」詹瑞文再問伍姑娘用甚麼手段勾引高層，「伍索姑娘」繼續反眼回答：「畀你激到反眼呀真係！我係唔使用任何手段㗎，係啲監製全部自己嚟搵我㗎 ！」
