初二煙花丨群星豪宅睇煙花！佘詩曼胡杏兒組隊食住睇 56歲視帝搵出路欣賞

更新時間：17:00 2025-01-31 HKT
發佈時間：17:00 2025-01-31 HKT

【年初二/賀歲/煙花/蛇年】昨日（30日）是大年初二維港煙花，歷時23分鐘的農曆新年煙花匯演準時在晚上8時上演，約8時23分結束。不少藝人每年都會組隊睇新年煙花，今年亦不例外。佘詩曼、胡杏兒一家、陳敏之帶同兒子、陳山聰與囝囝Jaco等，獲邀出席飯局，一齊食住睇年初二煙花。

黃建東同民眾一齊逼

而黃芳雯與家人、麥詩敏、七師傅獲「天下第一關」鄭紹康（Francis）邀請，到尖沙咀的商場天台停車場的靚位欣賞維港煙花，雖然現場好大風，卻無損眾人興奮心情。而黃建東同樣身在商場外圍，與民眾一齊睇初二煙花。56歲視帝馬德鐘最醒目，揸車沿途睇煙花，避免與人逼外，又不用提早搵位，坐在車內夠晒舒適。

初二煙花丨佘詩曼胡杏兒組隊睇新年煙花：

要數睇得舒適，當然是住在豪宅區的一班藝人，劉倩婷、黃浩然、曹敏莉兩母子、已婚大生銀行主席馬清鏗暗交9年巨咪網紅小三「五索」鍾睿心（Rachel）均在IG的限時動態實時打卡，見到眾人拍攝年初二煙花影片。當中以曹敏莉的角度睇得最清楚，而洪永城的太太梁諾妍（Inez）也抱住細女在屋內打卡，卻因被樓景擋住，只見到一角睇到新年煙花。

相關閱讀：43歲陳自瑤火紅旗袍金蛇獻瑞！喱士質地露蛇腰身上凸出一物惹熱議