TVB前花旦冇錢派利是？半夜低調向閨密求救慘被拍片公開尷尬陪笑

更新時間：21:00 2025-02-02
發佈時間：21:00 2025-02-02

王祖藍與李亞男於2015年結婚，2018年12月大女王天韻（Gabby）出世，兩年後再誕細女王海靜（Hayley），一家四口生活幸福。王祖藍在內地賺個盆滿缽滿，更豪花1.1億元購入大埔白石角的海景豪宅，日前宴請近50位藝人食團年飯，不過，李亞男近日卻被閨密踢爆「冇錢派利是」？

李亞男致電鄺文珣稱冇錢派利是

鄺文珣2006年與製衣富商太子應德榮（Andrew、現改名為應毅烽）結婚，先後誕下16歲大仔Cadence、14歲二仔Casper和7歲細女Chesney，鄺文珣近年再度復出，簽約王祖藍公司北上發展，兩家人非常熟絡，日前王祖藍在家中搞團年飯局，鄺文珣都有同老公出現。鄺文珣日前在小紅書拍片，大爆李亞男秘密指：「我半夜呢有人打電話畀我，話我聽日可能畀唔到利是你啲仔女呀！」李亞男在旁邊一臉尷尬，鄺文珣即指：「我借住錢畀你」，李亞男即回應指：「你畀錢畀我冇着數嘅，我擺『夾硬』，打唔開，還唔到畀你㗎」。

王祖藍豪宅可招呼50人食飯？

李亞男未能打開夾萬

原來李亞男將錢放在夾萬，卻未能打開，因此險些沒錢派利是，當鄺文珣聽到李亞男將夾萬說成「夾硬」時，立即捧腹大笑，當她再次問李亞男說甚麼時，李亞男卻不明所以，繼續重複說成「夾硬」，連拍片者都笑到手震。鄺文珣即揶揄對方：「你真係夾硬嚟呀真係，（唔係打開個夾硬咩？）嗰個叫做夾萬喎！（啊）。」鄺文珣再捉住李亞男的手笑指：「你啲甲就係好硬。」

現年40歲的李亞男生於上海，家境十分優越，爸爸李群力、媽媽朱如翠都是美術設計專業，早年舉家移居加拿大，李亞男畢業於名校英屬哥倫比亞大學（UBC），2004年成為華姐冠軍，由於廣東話不是李亞男的母語，因此不時鬧出笑話，經常令王祖藍笑破肚皮。