《殘酷一叮》童星莫凱謙變小鮮肉！身形高大帥氣潮爆 因一事被蘇珊睇中關係密切
發佈時間：10:00 2025-02-03
27歲童星莫凱謙於2005年參加TVB歌唱選秀節目《殘酷一叮》，因以成熟唱腔演唱容祖兒的《習慣失戀》而一夜成名，更連續成為三屆台主。因莫凱謙在節目上表現老成而被主持李克勤、梁榮忠稱咪他為「莫生」。隨後莫凱謙也有客串過多部劇集，但卻在2012年至2016年突然暫退樂壇，只是在社交平台發佈作品，近年就以唱作歌手身分復出。日前，莫凱謙現身香港電台節目《香江暖流：鄰到我請里》擔任嘉賓，染上金髮造型的他「仔大十八變」，小鮮肉形象讓人眼前一亮！
《殘酷一叮》27歲童星莫凱謙「仔大十八變」
最近，莫凱謙現身香港電台節目《香江暖流：鄰到我請里》擔任嘉賓，當日他染了一頭十分搶眼的金髮，身穿黑色圓領T恤、白色及奶茶色格紋圓案連帽衛衣外套及淺灰色運動長褲，整體造型充滿街頭氣息，小鮮肉的帥氣形象與幼時的稚嫩男孩截然不同。節目中莫凱謙就大談與師傅蘇珊結緣的契機，他透露自己幼時在參加《殘酷一叮》後不時亦會參加慈善晚宴，當時他就在一場晚宴上與蘇珊女兒一同拿著籌款箱呼籲人群籌款，可愛模樣及上台獻唱的表現讓蘇珊對他格外關注，就獲邀跟隨她學習。
相關閲讀：《殘酷一叮》莫凱謙25歲變書生！為《中年好聲音2》選手伴奏 中大畢業後堅持音樂夢
莫凱謙自爆成蘇珊徒弟契機：
蘇珊坦言好欣賞莫凱謙
不過，蘇珊就毫不留情地踢爆：「梗係唔係啦！係你求我嘅！佢好細個就好有才華，我哋好鍾意將啲有才華嘅小朋友呢，盡量匯聚在一起，個排成日做籌款，當日係冇分年紀、性別或者宗教，佢地就需要我個女幫手錄隻歌，因為我個女都幾勁。但需要一啲男聲女聲，咁佢就有份嘅，同埋另一個男仔。我地個時已經識，但未去到好close，但friend嘅！由個陣開始我見佢都好有才華，咁除咗我都想收佢啦，我揀人㗎！有一次佢爸爸開聲嘅，所以我真係好欣賞佢，佢好錫父母、聽話，佢爸爸：『你教下佢啦！』，我話我好嚴㗎喎，仲有我嘅要求係你想學嘢，我唔鍾意係你父母幫你問，但佢爸爸好一廂情願，咁你鬧唔鬧得先？佢話得。佢就嚟我屋企話真係好想學唱啊，嗰時就合作收佢啦。」
相關閲讀：《殘酷一叮》5位參賽者近況！拉丁舞王變TVB綠葉曾犯案 扮聲達人發福靠一工作掘金
莫凱謙近況：
莫凱謙感恩蘇珊教會他待人處事
其後，被問到蘇珊是否嚴格時，莫凱謙表示：「佢係嚴嘅，但就係因材施教囉！佢都好好冇乜點鬧過我，可能係因為我有少少小聰明啦」，而被問到是否屬於「冇歌唱就躺平」類型時，莫凱謙就表示：「我唔係，因為我除咗唱歌仲有寫下歌，主力係做音樂製作」，他又表示感謝蘇珊讓自己有新的視角去看待娛樂圈這個行業，除了技藝之外，還教會他待人處事的方式。
莫凱謙近年進軍幕後
莫凱謙繼2005年參加《殘酷一叮》後順利晉身娛樂圈，曾擔任TVB兒童節大使，又客串過不同劇集。莫凱謙長大後便從中文大學畢業，不但在YouTube發表音樂作品，2016年更曾以唱作歌手身份再闖樂壇，又與沈震軒合唱歌曲，不過一直星途平平。近年莫凱謙還進軍幕後，不但為2023年《聲夢傳奇》林沚羿的歌曲擔任作曲兼編曲，早前尹新杰作客YouTube頻道Chu Music節目，莫凱謙亦為他彈琴伴奏，雖然只有短短數秒鏡頭，但已經見到長大後的莫凱謙依然音樂細胞爆棚，樣貌與小時候分別不大，甚有幾分書卷味。
