《中年好聲音》周吉佩公開激嬲港姐老婆？太太黃彥欣目露凶光嬲爆現身

更新時間：20:00 2025-02-03
發佈時間：20:00 2025-02-03

38歲的周吉佩（吉吉）2022年參加節目《中年好聲音》奪得冠軍，人氣急升的他，不但開設音樂教室教唱歌，於去年更曾次舉行第一次演唱會，個唱叫好叫座門票開賣首日便售罄。周吉佩最近為澳門延續篇《延續．第三人生演唱會》準備，只是昨日（2日）在網上的一條影片，就見到周太黃彥欣嬲爆爆心情不好，周吉佩以花式招數𠱁老婆。

周吉佩做家務冧妻

周吉佩在IG分享一條影片，見刑結婚10年的2007年落選港姐太太黃彥欣，沒有笑容看起來心情不好，周吉佩先是做家務，平息老婆的憤怒。影片中，見到周吉佩入廚房洗碗、換床單、陪一對仔女做功課，怎料彈結他練歌時，周太黃彥欣更加充滿火氣。

周吉佩公開激嬲愛妻補鑊招數：

周吉佩在影片下留言：「當老婆心情不佳時…為咗生存，幾辛苦嘅家務都要撐住，但偶然都有失手嘅時候，後果不堪設想。我都只係為澳門站演唱會努力練習緊啫，唉，大家買飛啦！」片尾更見到演唱會的宣傳。

周吉佩太太大犧牲

不少網民睇完周吉佩的影片，大讚周太黃彥欣為老公的演唱會宣傳犧牲大：「老虎乸殺到」、「吉太笑靚女好多」、「吉太真係好偉大，為咗吉吉要咁樣犧牲拍片，其實吉太真人好溫柔㗎」、「你做過啲乜嘢呀！搞到你老婆咁恐怖呀！你老婆平時好溫柔㗎喎」、「吉吉你好搞笑呀，演技一流」、「好正吖！拍小劇場真係笑死呀，吉吉&吉太演技好掂呀」等。