汪明荃自爆曾遇上幾次被挖角機會 服務TVB 53年因一事從未想過跳槽
發佈時間：20:30 2025-02-06 HKT
由阮兆祥、梅小惠和江欣燕主持的TVB節目《友乜唔講得》在周日（9日）晚播出的第三集，今集找來是TVB鎮台之寶阿姐汪明荃擔任嘉賓， 予人感覺專業又嚴謹的汪明荃，私下原來相當玩得，除了一出場就把玩身上的「荷花裝飾」，更與祥師兄鬥「食字」。
梅小惠爆汪明荃曾主動幫她們爭取靚衫
梅小惠與江欣燕於1997年曾與汪明荃合作綜藝節目《電視大贏家》，梅小惠大爆當年汪明荃主動幫她們爭取靚衫：「係你幫我哋同服裝講，我哋三個要一樣咁靚！」又指汪明荃出動私家髮型師幫兩人梳頭，相當暖心，江欣燕感嘆謂：「我哋真係好感謝阿姐。」 汪明荃聞言即說：「好係大家架嘛，我哋要講團結！」
相關閱讀：TVB台慶｜汪明荃「少女時代」仿真度極高 「洛琳」造型掀回憶殺
汪明荃服務TVB 53年因一事從未想過跳槽：
汪明荃自爆曾遇上幾次被挖角機會
四人又談到當年電視圈的挖角潮，對此汪明荃坦言曾遇上幾次被挖角機會，第一個機會在拍畢劇集《家變》後已出現，但汪明荃不但每次都不為所動，而且就連挖角價也從來沒有過問：「冇問過幾多錢，唔係錢嘅問題。我覺得一個人最緊要搵一個適合嘅環境，喺TVB只係做好自己工作就夠，唔使靠關係，又唔使搵角色，我覺得TVB啱我咯，而且公司都好錫我。」對公司有著深厚感情的汪明荃，還與三位主持大談昔日拍攝《千王之王》、《家變》及《京華春夢》等經典劇集的趣事，除了有謝賢因為謝霆鋒出世、在拍攝期間「話走就走」外，又大讚名導演杜琪峰說：「佢係將我個樣拍得最靚嘅導演。我覺得《京華春夢》係我代表作，因為拍得好靚呀。」汪明荃在節目中還會大爆自己最不喜歡的羅1家英的一個壞習慣，更無奈感嘆：「講咗好多次佢都唔改咁點吖！」
相關閱讀：汪明荃豪宅擺2米高桃花樹！TVB群星上門團拜極大陣仗 寬敞樓梯坐半百人
汪明荃家中有近2米高桃花樹及寬敞樓梯坐逾50人：
相關閲讀：77歲汪明荃20年前家居Look曝光！招呼台前幕後睇首播 露出一白淨部位震撼網民
汪明荃嘆昔日好拍檔肥姐實在太叻
汪明荃又指當年與鄭少秋及林曉峰（阿Lo）一起主持綜藝節目時，已不斷叫監製給予林曉峰唱歌機會：「我嗰時成日要求監製畀佢唱啦，我話我可以同佢唱架，佢真係唱得好架…後尾佢喺內地紅咗，我幾戥佢開心呀。」談到當年與阮兆祥、王祖藍、李思捷合作拍攝《荃加福祿壽》，汪明荃坦言接拍前有猶豫：「佢哋話想要我帶一帶啲後生喎，我話我點帶呀，我唔係搞笑架喎，咁佢叫我一齊玩，我都當學吓嘢，試啲新嘢啦。」
阮兆祥讚汪明荃勇於跳出自己框框
阮兆祥即大讚汪明荃勇於跳出自己框框嘗試不同造型，汪明荃說：「每個人都要有啲貢獻架，我咪貢獻我所長咯！」提到拍攝期間的難忘事，阮兆祥指當年四人重現「四朵金花」經典時，看到汪明荃眼濕濕煞是感觸，令眾人十分擔心，汪明荃亦直指當時自己是「冇辦法錄落去」，汪明荃說：「當時佢（祥師兄）好似肥姐（沈殿霞），王祖藍又係好似（張德蘭），唱歌時嘅郁動又全部都一樣…」汪明荃邊說邊不斷讚嘆昔日好拍檔肥姐實在「太叻」：「幾尷尬嘅場面佢都兜得翻，仲要喺片場打滾咗幾十年」，汪明荃又笑言曾遭小時候的欣宜批評英文叻但「Not that fluent（唔夠流利）」，相當搞笑。
