大S逝世丨七仙羽分析徐熙媛骨灰放家中爭議！「慈母多敗兒」論不利往生者 將思念變一事：令佢離開苦難

台灣女星大S（徐熙媛）在農曆新年期間赴日旅遊，因流感併發肺炎不幸於2日病逝，終年48歲。大S的遺體在日本火化後，骨灰在老公具俊曄陪伴下回家。小S曾透過經紀人表示不會舉辦告別式，並有傳「大S的骨灰罈將會永遠放在家中」。

先人骨灰罈放在家中有不少謎思

對於先人的骨灰罈永遠放在家中，坊間都有不少謎思，有人難捨摯親的離去，所以將骨灰罈永久放在家中，不單每天都看見，而且有空可以說說話。但同樣有人覺得始終是陰陽相隔，傳統的作法是陰陽分開，讓先人往生靜土，早登極樂。《星島頭條》找來七仙羽師傅分析事件。

相關閱讀：大S徐熙媛逝世｜大S骨灰放家中原因曝光 小S情況令人擔憂 好友因一事感難過

大S逝世丨七仙羽師傅分析大S徐熙媛骨灰永留家中：

大S徐熙媛一語成讖小S徐熙娣崩潰痛哭

大S徐熙媛和小S徐熙娣兩人在1994年以組合「S.O.S」出道，兩姊妹一路扶持成長，不單最親密的事業夥伴，而且更是彼此生命中最重要的家人。小S曾說過自己最在乎和愛的人就是大S，懷疑兩人前世是情人或夫妻，而在大S眼中，妹妹是完美女人的典範，有著無比的勇氣闖出自己的一片天，大S生前亦曾透露，與妹妹有約定，希望妹妹能陪伴自己走完人生最後一程，「每一天都當成最後一天來過，我跟我妹妹兩個的關係，就是不管怎麼樣，她（要）知道我人生最後的那前幾分鐘在幹嘛。」想不到當年大S的說話竟一語成讖，在大S臨終前，小S全程陪姊姊走完人生最後一刻，當場情緒崩潰癱軟痛哭，有指小S面對突如其來的噩耗，完全沒辦法接受，除了在醫院哭癱，「連日來只要一講到大S就是以淚洗面，甚麼話都講不出來」，連節目《小姐不熙娣》的停工，暫由吳珊儒頂替。

七師傅不贊成大S骨灰安放家中

正因為此，有傳小S決定將「大S的骨灰罈將會永遠放在家中」，因為小S想要每天可以看到姊姊，有空可以跟姊姊說說話，並希望大S不要孤伶伶的被放在靈骨塔裏。消息傳出後，坊間惹來不少迴響，《星島頭條》找來七仙羽師傅分析事件，七師傅說：「唔贊成咁樣做， 因為當一個人去世之後，佢嘅骨灰一定要擺喺骨灰庵或者寺廟供奉先人嘅地方，因為先人過咗身，佢已經係屬於陰，如果陽人居住嘅地方係陽氣嘅地方，陰陽擺埋喺一齊嘅話，會造成陽宅居住嘅人身體會慢慢唔好同變差。你諗吓，佢長期見到骨灰喺嗰度，死者嘅物件長期喺間屋入面，都會令到生嘅人經常會勾起一啲傷感， 都會影響磁場，長期嚟講對情緒同心情都會有影響。」七師傅還說：「仲有對於往生嘅人嚟講，因為佢好很懷念家庭，好執著亦好難放得低， 所以都會影響佢往生。點解一個人往生嘅時候，盡量唔好哭哭啼啼，盡量唔好畀佢太多嘅留戀、太多嘅掛念， 因為越係咁樣嘅話，佢係越唔捨得走， 唔捨得走嘅話，佢往生嗰段期間最關鍵嘅49天之內，要超渡佢，令佢放低執著，佢先容易去到天界。因為49天之內，如果家人成日哭哭啼啼，太過於掛念，對於先人嚟講佢就放唔低，佢放唔低就唔捨得走，將骨灰擺喺屋企，他更加唔捨得，所以對於先人、對於而家居住嘅陽人都唔好，我哋唔會話『生勾勾』嘅人住喺墓場或者墳墓入面。」

七師傅提議將思念變成一個行動

假如真的很掛念先人，七師傅覺得可以將思念變成一個行動：「我哋可以幫佢做多啲法事，唸多啲經，做多啲善事，將功德回報畀佢，等佢可以容易啲去往生極樂世界，你唔可以掛住佢攬住日日喊，咁做對大家都唔好。等於點解人哋成日話慈母多敗兒，就係因為慈母唔捨個仔經歷任何苦難同風波，唔捨得個仔咁辛苦， 日日都很縱慣個仔，任何困難都唔可以畀個仔接受，要小朋友樣樣嘢都要順風順水，結果慈母多敗兒。等於人都是有感情，我哋要將對死者嘅掛念變成一個行動，變成一個功德。想為佢好，要唸多啲經，搵多啲師傅幫佢做超渡， 祝福快啲去往生極樂世界， 令佢離開呢個苦難。」

相關閱讀：大S逝世丨徐熙媛經理人現身！列汪小菲母子造謠五點轟人性醜陋 力挺具俊曄護妻

大S汪小菲愛恨交纏： 

七師傅稱人死後的四十九天最為關鍵

七師傅稱人死後的四十九天是很關鍵：「如果你太執著，佢離開唔到呢個人世間，佢好容易上唔到天界，上唔到天界之後，再超渡係非常難，因為四十九天之內係最容易上天界，所以建議真係要將佢嘅骨灰擺喺寺廟，其實好容易，如果你掛念佢，可以去寺廟探望他，亦可以擺喺有骨灰庵嘅地方。」雖然大S的一對仔女尚小，但七師傅稱他們亦可回報媽媽的養育之恩：「小朋友都可以用小朋友嘅名義幫媽咪點燈，幫媽媽去寺廟供香、供燈同做法事，其實用小朋友的名義幫媽媽做功德，都係一個孝順。甚至全家人都可以用自己嘅名義，幫大S做啲功德，寫多啲祝福嘅話，回向畀大S，等佢快啲去極落世界。」。

七師傅稱告別式應該要搞

與此同時，有指小S不會為大S辦告別式，問到七師傅這做法是否罕見？她說：「呢啲要視乎佢屋企嘅意願，但係應該要搞，點解呢？因為好多人都唔知道，因為我本身修密宗，長期喺印度尼泊爾修煉，我哋幫人超渡嗰陣，最主要係擺大頭相、擺筷子同碗、 擺香，點解要擺呢？因為當個先人嚟到超渡現場，佢先會懷疑點解自己係咪死咗，加上和尚唸經，佢先知原來係死咗，佢先會去極樂世界，唔會再留戀同執着，佢先會跟菩薩走，呢個理論好多人都唔知道，因為好多時候人死咗，唔知道自己死咗，仲會喺嗰度遊嚟遊去，所以點解要搞喪禮，就係要提醒佢已經死咗。可能佢哋覺得好辛苦，突然間有家人過世，覺得要搞咁多嘢，又要應付傳媒同粉絲，可能會覺得好辛苦同很疲累，呢個都理解。但係如果佢哋唔喺公眾地方搞，喺屋企都要擺黑白相、擺碗、擺筷子、擺一支香，跟著每日都要播大悲咒同往生咒，要 24小時不停播，最少都要49天，49天之後可以去寺廟，又或者搵啲師傅，問一問大S去咗邊度，如果佢已經往生正途走咗，就唔使再擺大頭相，但如果佢仲未走，要繼續播放。」

相關閱讀：大S徐熙媛逝世｜具俊曄大S猝逝終現身！ 直斥汪小菲淋雨扮淒涼 遺產全給熙媛的媽媽

七師傅稱要爭取時間超渡到大S

至於近日S家與汪小菲爆發的連串是非，會否因為大S入土為安而平息？七師傅則說：「咁多是是非非，絕對大S放唔低，因為佢而家頭七期間都會返屋企，睇吓屋企人會做啲乜嘢，因為佢啱啱往生，一啲都唔知自己死咗。好似發緊夢，如果佢見到屋企為呢啲是非吵吵鬧鬧，佢都會好煩惱。當佢煩惱就放唔低，一執着就唔會走，為咗大S快啲去極樂世界，屋企人應該發悲憤為力量，將其他是是非非擺埋一邊，爭取時間喺四十九天之內超渡到大S，呢啲係最正經嘅事情，花邊新聞緋聞放埋一邊，要分清楚乜嘢係主要嘅事，乜嘢係次要嘅事，而家新聞唔好理，回應記者唔好理，唔好搞呢啲無謂嘅事。」