星級大搜查丨邊位圈中人派利是最闊綽？張家輝爆有老闆「求其都派幾千」 森美：過千係基本 林峯封過萬
發佈時間：08:00 2025-02-17 HKT
農曆新年長輩派利是傳統上派到年十五，而2025年蛇年的拆利是吉日就是年十八，相信大家都已經拆利是。傳聞中娛樂圈中人有不少人派利是都相當闊綽，例如成龍大哥、麥玲玲等，有傳玲玲姐每年都封千元大利是。今集《星級大搜查》為大家搜查一吓，到底哪些圈中人派利是最重手！
楊受成博士派鑲金利是封
說到出名派利是重手的老闆級人物，必定包括楊受成博士。張家輝向《星級大搜查》透露，他收過最大封的利是正是由楊受成博士派出。張家輝說：「我新年或者平時都比較少接觸圈中人……如果要講最大封，我諗係楊生（楊受成博士）啦，楊生係咁易，求求其其都畀幾封一千蚊。」張家輝所言的確真有其事，事關早前英皇高層霍汶希在IG分享向楊受成博士逗利是的影片，霍汶希在片中強調楊博士派的鑲金利是封是足金，其後霍汶希更即場拆利是，見金額最少1,000元一封，楊博士果然是絕世好老闆。
相關閱讀：星級大搜查｜明星忍大便記！陳家樂忍到生腎石 過度忍便可致肛裂 醫生教一招鍛鍊大腸控制便意
娛樂圈中人邊個封利是最重手：
林峯爆古天樂派開工利是最豪爽
林峯2018年加入古天樂旗下公司天高娛樂，他向《星級大搜查》分享，收過最大封的利是就是老闆派出的開工利是，笑言：「（多少）錢就唔講喇，但最大封……面值大細就緊係老闆（古天樂）啦！開工利是呀嘛！其實每一年我相信公司畀嘅開工利是係最大封嘅。」林作亦分享收過近萬元的利是：「我收過圈中人最貴嘅利是係五位數字，（來自）老闆級人物啦！」
相關閱讀：星級大搜查｜明星保暖靠打底？梁芷珮禦寒大挑戰 公開穿發熱內衣正確方法 呢種質地全球最保暖可抵負40度嚴寒
而阿正（黃正宜）亦透露森美與小儀封利是也很大方：「嗰陣時我仲係做緊PA，係勁嘅銀碼嚟嘅。」麥美恩則分享：「我袋得最高額封利是係有500蚊，由幕後嘅老闆派。」洪嘉豪則向《星級大搜查》表示，早前生日收到人生最大封的利是：「圈中人送畀我嘅利是就係四位數，接近五位數嘅，我收得好唔好意思嘅，但佢生日我就會畀返一模一樣（金額）嘅利是佢。」
相關閱讀：星級大搜查｜胸部豐滿易失平衡跌倒？娛圈「咪神」親解大胸的煩惱 脊醫：可致生骨刺
明星們封過最高金額利是有幾錢？
根據星島新聞集團去年進行的利是公價問卷調查，接受問卷調查的8,000人中，有近4成人表示會封100元利是給子女，而逾六成人封給同事的利是金額為20元。《星級大搜查》亦訪問明星們，他們封過最高金額的利是有幾錢？張家輝表示不太清楚：「封利是嗰個動作唔係喺我身上，個金額都唔係由我定，都係交畀太太處理。」林峯表示：「我自己畀就緊係長輩，起碼五位數字，我覺得最緊要份心意，一份孝心。」陳瀅分享：「我自己封過五位數。」
相關閱讀：星級大搜查｜唐詩詠麵包店被嫌貴 33 Cubread VS 人氣麵包店價錢逐個睇 直擊市民狂掃3百多元麵包
森美封千元開工利是給電台同事
被阿正指封利是好闊綽的森美則說：「我封最大封嘅利是應該係派畀我屋企個helper（家傭），因為佢每日都照顧我嘅工作、生活、屋企人。另外就係開工利是，畀我電台啲同事，我平時唔係幾笑，好似好cool咁，唔係幾識講說話，惟有用封利是表達心意。過千呢個就基本㗎喇！」至於阿正去年密密接job賺到不少，她亦非常識做，會封千元利是給平日給工作人員。
相關閱讀：星級大搜查｜藝人MBTI真實個性大揭秘！羅天宇恐懼社交極度怕人 關心妍：蔡一智私下好XX｜有片
洪嘉豪與麥美恩對工作人員都相當闊綽，同樣封千元利是給他們。洪嘉豪表示：「四位數一定有嘅！就咁講個數未必會覺得好大，但全部人（工作人員）都係呢個數就好大好大。」麥美恩則說：「我最高封四位數，好想多謝佢哋，嗰年搵到咁多，好想答謝佢哋。」
相關閱讀：星級大搜查｜2024叱咤十大歌曲冇人識？街頭「接歌」大挑戰 學生驚訝姜濤得獎：唔太好聽
林作最多封50元：再畀多啲就有少少肉赤
林作雖然身為富二代，家住半山豪宅，不過自認孤寒，最多只封過50元利是。林作向《星級大搜查》分享：「因為小弟第一未結婚，第二從來都出名孤寒嘅，開工利是一定係畀50蚊，再畀多啲就有少少肉赤。」
現年18歲的鍾柔美、詹天文入行數年亦開始有封利是的習慣。鍾柔美說：「未入行之前我係唔知道要派開工利是，入咗行之後就知要做呢件事，上年就開始封利是畀工作人員。」詹天文表示：「封畀媽咪應該係最大嘅，我都係今年先封畀佢，封咗四位數。」同樣剛成年的姚焯菲則未有派利是習慣，改為用小禮物表達心意：「整咗啲曲奇餅，新年嘅時候派畀所有幕後工作人員，覺得個心意比金錢嘅意義更重大。」大家派過及收過最高金額的利是又有多少錢呢？不妨留言向《星級大搜查》分享。
相關閱讀：星級大搜查｜啟德主場館開5萬人演唱會 哪位歌手期待值最高？ 張敬軒、炎明熹被點名
