星8卦丨「富豪」呃錢呃極有人落搭申請破產連累老友正人渣

更新時間：11:30 2025-02-11 HKT
發佈時間：11:30 2025-02-11 HKT

「富豪」用移形換影方法幫自己甩咗一大筆外債，好唔負責任咁鬆人，以為自己叻到曉飛。回歸本業，以為將老竇盤生意搞大佢，點知遇着疫情加埋北上投資呢幾年死晒，仲要掂房地產，所以一衰起上嚟真係累全家。

背後啲朋友都笑佢，話「富豪」成世人最叻玩財技，完全唔係做實事嘅人，而且做乜都係割禾青，自己掂人哋蝕，呢種唔熟唔食嘅性格，身邊啲富貴朋友知㗎，但就偏偏每次都仲有人落搭。呢個世界就係咁，你喺呢個圈子呃完人錢，去到另一個圈子一樣有人上吊，仲以為自己係醒嗰個，唔會咁容易死喺佢手上，甚至諗到自己要起佢飛腳，成為大贏家。

相關閱讀：星8卦丨「歌女」追「阿叔」諗住有錢搵兩面不是人遇渣男撇清不倫戀

結果係呢一鋪係全人類都以為冇事，一定贏嘅情況下，敵唔過天意同大環境，好幾個同「富豪」拍住上，本嚟現金多個借貸嘅實業家，其中一個幾乎連超級豪宅賣埋至可以補住名譽，唔使破產。「富豪」又點下場？身邊有實力嘅都搞成咁，佢本身冇實事求是同求生技能嘅太子爺，已經開始將僅餘無幾嘅樓同錢過晒畀老婆，係夠期日子做手續唔還錢甩身，由得啲朋友死，繼續唔負責任，好彩今次件事會通天，唔係畀佢過埋關繼續呃人就冇天理！

相關閱讀：星8卦丨「鬼妹」做「高佬」女朋友當賭債肉償扭曲關係分手

↓立即下載星島頭條App↓