「拜金港姐」公開十年樣貌變化靠醫美提升 修復爛面闊臉為貪靚冒高風險填充一部位
發佈時間：13:25 2025-02-19 HKT
30歲2019年落選港姐蔡嘉欣，當年被視為大熱之一，惟五強止步，其後因經常晒名牌，又周遊列國被指拜金，被網民封為「拜金港姐」。蔡嘉欣去年9月底宣布約滿TVB，結束5年賓主關係。蔡嘉欣離巢後積極經營YouTube頻道，日前公開一條十年樣貌變化史，直認靠醫美越變越靚。
蔡嘉欣滿意輪廓改變
蔡嘉欣日前在YouTube頻道上載影片，以「我的10年醫美史坦白整張臉都打過針？最近喜歡的項目！醫美修復神器＋人生救星」，直言為貪靚在臉上多度打針，雖然五官上變化不大，但蔡嘉欣認為輪廓上有改變，對現在的面部線條很滿意，覺得很流暢。
相關閱讀：「拜金港姐」教路慳錢秘訣！商場積分買名牌袋勁減2萬 再6折入手CHANEL靚鞋
蔡嘉欣十年樣貌變化史：
蔡嘉欣表示25、26歲開始，臉上的膠原急劇流失，看起來臉上凹陷又好憔悴，返工時會被問是否好攰。加上蔡嘉欣有一段時間皮膚狀態不好，毛孔粗大、經常爆瘡，因此決定靠療程改變膚質。蔡嘉欣細數做過的療程，可謂包羅萬有，更試過為改善問題，冒險在眼窩位置打針。
蔡嘉欣試六種針
蔡嘉欣列出打過最少六種針：「以前唔係話好貪靚，真正開始變得貪靚都係呢五年間嘅事，因為選完港姐入完TVB，入到去間公司見到咁多美女，大家都好努力保養，提升自己嘅競爭力，好多我嘅醫美經驗累積落嚟，都係呢五年間，呢五年間大大話話打過好多嘅針，肉毒、透明質酸、少女針，膠原針、美神針、水光針等等，機亦都做過好多，膠原、水光、普通保養，或者能量比較大嘅HIFU，或者皮秒、黃金微針、Thermage Ultherapy，呢啲全部都有做過。So far依家進化到呢個模樣，我覺得係差唔多㗎喇，我已經好滿意。」
蔡嘉欣下巴填充
片中見到蔡嘉欣不介意公開臉上紅腫修復過程，多張打針後的爛面、紅腫傷口相，當中試過打針後，臉上如蜜蜂竇般相當恐怖。蔡嘉欣表示每次做完療程都有創傷，需要時間修復，之後又會持續地再去做。提到第一次接觸醫美，蔡嘉欣表示約在10年前在下巴位置打針，打過三次透明質酸，因為覺得天生下巴短，中間又有「小屁股啄位」，不過一次的效果很快消失，到第二次、第三次效果才明顯及持久，蔡嘉欣已有7、8年沒有再打。
相關閱讀：「拜金港姐」教路慳錢秘訣！商場積分買名牌袋勁減2萬 再6折入手CHANEL靚鞋
蔡嘉欣離巢TVB晒富貴生活：
蔡嘉欣以前臉頰較闊，她推薦另一款瘦面針，只是要每半年打一次。蔡嘉欣又因臉部尖削，看起來尖酸刻薄沒有福氣，因此打膠原針令臉部線條有弧度。蔡嘉欣又透露臉頰、咀嚼肌、太陽穴及眼窩都曾打針。蔡嘉欣坦言：「成塊面都係膠原針，得額頭冇打過，額頭係比較天然。」雖然蔡嘉欣乜都試，卻提醒不是所有人都適合打針，還提到在眼窩位置打針的風險好高，不是所有醫生都肯做：「呢啲位如果你真係填歪咗少少，落到啲神經，會好容易盲。」
蔡嘉欣認為安全第一
蔡嘉欣認為如果覺得面部凹陷，又不宜做填充，可以先做提拉，提升緊緻度，假如未能改善問題才做填充。對比起打針，蔡嘉欣覺得HIFU更重要，不但讓皮膚緊貼面骨，每年做三至五次，臉部便不會下垂或鬆弛。蔡嘉欣對目前的樣兒相當滿意，未來只要花時間做膚質管理。蔡嘉欣又建議做醫美要適可而止，不要貪心和上癮：「醫美雖然係正，但我覺得少量多次會比較好嘅，唔好貪心，我寧願嗰個效果係慢慢見到，都唔好一嘢泵到咁大，少量多次然後每隔一段時間去Refill。」最緊要「安全第一，愛美第二」。
