混血肥仔偷食風波 ｜「丁丁」丁彥均被揭情史混亂！戀「一隊」籃球員互相認識 曾一齊去旅行同床
發佈時間：12:00 2025-02-20 HKT
丁丁／丁彥均／混血肥仔／芊蕙子／偷食／離婚｜香港網台BBO始創人、著名YouTuber「混血肥仔」曾達恩（Tommy），日前傳出疑背移英太太芊蕙（芊蕙子），偷食拍檔女主持丁丁（丁彥均），混血肥仔今日（20日）早上，終於在IG發長文認正在辦離婚。事件連日來發酵，不少網民食花生之餘，也找到不少蛛絲馬跡，掘出現年25歲的丁丁早在ViuTV節目《戀講嘢》分享自己的情史，原來丁丁的前男友，竟都是來自同區籃球圈的型男。
丁丁四位前度同場打籃球
丁丁兩年前曾上第46集《戀講嘢》分享經歷，她「男友ss」的經歷令193郭嘉駿及其餘三位女主持都大為震驚！當時丁丁透露三位前度與當時的男友（簡稱A、B、C、D君）都是籃球界中人，而且同住在上水、粉嶺的北區街坊，A、B、C更不時在街場切磋，更巧合的是，原來A、B、C、D四人試過同時在同一個場比賽中同框被攝，正運球的則是丁丁男友D君。
相關閱讀：網台創辦人混血肥仔疑偷食索女主持 留英老婆勁撇脫：可以隨時離婚
丁丁混血肥仔風波｜丁丁情史好混亂？
丁丁逐個講述與四人相識相戀的經過，她與身高18xcm的A君是其中學同學，由於自己成績差而找A君補習；與B君相識同樣因為成績差，兩人一齊重考DSE相約溫書而拍拖。丁丁與B君分手之後，與朋友唱K時認識C君，因為住在同區故經常相約，及後才發現三男竟有共同朋友，而且一齊在街場友賽，丁丁與C君分手後一年，才與D君相戀。A、B與丁丁分手後，兩男更曾一齊去旅行同睡一張床，而丁丁與C君拍拖時，曾與C、D君一齊去旅行，而且D君對丁丁亦早有愛意，關係混亂，就連193都O嘴！當時有網民就爆料，D君應該就是香港甲一籃球隊伍的成員程子朗，其IG簡介上有標註丁丁的IG帳戶並附有心心Emoji，他昨日（19日）在IG Story也疑似就事件作出回應：「分咗手成年，我好愛我而家女朋友Thx，唔好搞我啦」。
丁丁自豪前男友們都認識
熱愛籃球員的丁丁，是YouTube頻道BBO Black Box Office的主要演員兼主持，IG擁有11.4萬追蹤者，曾為香港賽馬會及開電視拍攝同運動有關節目，亦曾經參與過ViuTV的足球節目。丁丁在《戀講嘢》的感情觀也令人嘖嘖稱奇，表示現任與前度互相認識是好事：「同A一齊，已經對B略有所聞，從朋友口中知到佢多啲嘢，多啲人畀意見，當然係好㗎啦！…然後C又講我壞話！經我證實啦，C係咁講我壞話但D都同我一齊，呢啲留言真係不攻自破呀！」
相關閱讀：混血肥仔偷食風波 ｜被「丁丁」丁彥均爆已簽分居協議後認正辦離婚 稱太太芊蕙子要求物業轉名令事件公開
丁丁混血肥仔風波｜混血肥仔回應「偷食風波」：
混血肥仔去年聖誕仍晒家庭照
近日丁丁與混血肥仔事件，令網民再次翻出這次上節目影片，不少人都留言：「食開籃球隊而家走去食個肥佬」、「高高興興咁上電視，話畀全世界知同4-5個人瞓過，但俾人話係第三者就壓力大到退出幕前」。丁丁昨晚發聲明堅稱沒有介入別人婚姻關係，指自己在確認對方已分開，並簽訂「分居協議書」後，「我們的確曾作出了解，但最後沒有發展」，並指流出的食飯照片只是商討工作，但因事件導致最近飽受精神折磨和情緒問題，更影響到家人朋友，決定暫時休息，退出幕前工作。有網民就指芊蕙子到上年聖誕仍有分享一家四口的合照，直言：「丁丁（丁均彥）當人白痴？未爆食飯相前，混血肥仔/芊蕙子個個星期都 post 家庭照喎，你會唔知？」
