洪嘉豪被指小路出大路險釀車禍？保安截停中大校巴急剎爆粗網民還原真相

更新時間：18:30 2025-02-22 HKT
發佈時間：18:30 2025-02-22 HKT

33歲歌手洪嘉豪近年創作的歌曲大受歡迎，去年憑《黑玻璃》一曲，在上月《2024年度叱咤樂壇流行榜頒獎典禮》獲得「叱咤十大」第七位，亦為「2024年度YouTube香港十大音樂影片」第一位。洪嘉豪日前（19日）去中文大學擔任聯唱決賽嘉賓，唱出《半天空檔》及《還原淚》，不過有中大學生就分享一段短片，指疑似洪嘉豪駕車離開時發生一段小插曲，中大校巴司機更氣憤爆粗。

中大校巴司機不滿被保安截停

有中大學生在網上發布片段指：「啱啱聯唱散場，（疑似）洪嘉豪架車跟保安指示直接小路出大路唔讓，搞到校巴要急剎，真係差啲撞！」影片中所見，拍片學生當時身處校巴內，鏡頭拍到疑是洪嘉豪的座駕在校巴前駛過，校巴司機當場向車外的保安爆粗大罵：「X你老X喺度截！小路出大路呀！截我！你冇嘢呀？小路出大路，咁危險，我架車。」保安嘗試令校巴司機息怒，一邊驅趕追完車的學生走回行人路，一邊向校巴司機說：「得啦，你投訴我啦好冇？唔係，佢有事嘅。」校巴司機不服氣回應：「我都有事呀爭啲！」保安再回答：「得喇得喇得喇。」而司機就繼續唸唸有詞講粗口，但聲浪已比之前低，影片就此作結。

疑似洪嘉豪座駕拒讓車險撞？

片段在網上引起熱議，並Tag洪嘉豪回應，有粉絲就指片中是洪嘉豪的座駕，但未能證實，且有人指該私家車只是「跟保安指示」，卻仍有網民鬧洪嘉豪：「洪嘉豪上咗位之後變第二個人了」、「係Hkh唔啱，保安無權override法律」、「小路要讓大路，司機可以睇都唔睇直接出㗎？」、「1823咗先啦」等。很多人認為保安責任較大，校巴司機其實是罵保安，但同時指保安可能擔心有學生追車，才有此決定，加上路上有慢駛標誌，因此各方都有責任。

網民力撐洪嘉豪

其後有網民在帖文下貼出從另一個角度拍攝的影片，當中見到私家車在出小路前已停下，清晰見到是保安突然衝出來擋在路口截停校巴，私家車只是在保安的指示下才重新出車。網民即指：「根本就係出去大路之前已經停咗，諗住讓比大巴先，係個保安衝出嚟叫佢行先」、「唔關黑玻璃事，呢啲私家路都係聽保安指揮多，出面馬路就唔同講法」、「其實保安停咗校巴，kaho架車都停咗，保安示意kaho先開車，仲打死火燈表示thank you！」呼籲大家不應只憑校巴內拍攝的影片就斷章取義，要多角度了解事件經過。