「翻版李克勤」驚爆發生家居意外！女兒跌倒撞傷頭部緊急入院 傷口相曝光觸目驚心
發佈時間：20:02 2025-02-23 HKT
有「翻版李克勤」之稱的41歲陳柏宇（Jason），與任職模特兒的女友符曉薇（Leanne）婚後育有大女陳羿辰（Abigail）和細女陳星晴（Audrey）後，變得活躍於社交平台，定時在IG開直播吃早餐，又愛在Threads分享日常點滴，一度被網民封為「寵女狂魔」。
陳柏宇驚爆發生家居意外
昨日陳柏宇驚爆發生家居意外，二女Audrey趁爸爸行開時，突然從飯枱行到梳化邊，殊不知不慎坐空跌倒撞傷頭部，陳柏緊急送女兒入院縫了7針，得悉女兒需縫針後，陳柏宇心痛得在醫院爆喊，身在台灣的老婆Leanne隔空安慰。
相關閱讀：41歲隱世歌手神情呆滯踎街引長者側目 網民見畫面心酸似阿伯
陳柏宇二女驚爆發生家居意外：
陳柏宇太太IG還原事發經過
陳柏宇的太太Leanne昨日（22日）在IG還原事發經過，她說：「大家唔使擔心，柯住好勇敢。今日跌咗落地下撼親個頭縫咗七針，雖然同爸爸分開嗰陣時，喊到七彩（爸爸都喊到七彩），護士話縫到中段妹妹都已經冇喊，好乖咁畀醫生縫針，妹妹暫時精神好好，縫完針護士仲畀咗包餅餅我哋，妹妹食晒啦，家姐好擔心妹妹，唔夠膽陪妹妹去醫院，唔想見到妹妹喊，家姐好傷心，見到妹妹返屋企，佢好開心，妹妹都係醫院不停問Abi呢。」
陳柏宇為沒有照顧好女兒內疚爆喊
片中所見，陳柏宇最初與2名女兒都同在客廳一角，姊姊Abigail正在紮頭髮，妹妹Audrey則在攀爬梳化，當Audrey站到梳化的扶手時，陳柏宇剛巧走出鏡頭範圍外。其後Audrey見到梳化扶手與窗台之間放了咕𠱸，沒為意下面沒有任何支撐物便坐下，結果倒頭直跌到地上，頭部撞到牆壁，影片隨即結束。其後在另一條語音信息中，陳柏宇為沒有照顧好女兒內疚爆喊，符曉薇留言安慰：「唔好喊啦，爸爸，我知道呀，我都想喊呀，爸爸。我知道呀，加油呀爸爸。你好叻呀，如果你唔喺度，調番轉我可能仲驚，你好叻呀，爸爸﹗」
相關閱讀：陳柏宇再度「重金禮聘」兩女出山 Abi單眼嘟嘴搶晒鏡 二女Audrey天然萌BB樣成焦點
陳柏宇太太曾兩度流產：
陳柏宇傷勢曝光觸目驚心
今日陳柏宇繼續開早餐live，Audrey仍不改佻皮本色，陳柏宇回覆網民說︰「妹妹冇事，瞓得好好。」他還說自己「交低俾醫生時喊啫。」後來符曉薇又再IG貼上Audrey的傷勢：「阿妹話唔使擔心，我而家食得走得，雖然條疤痕大啲，媽媽肉痛啲，但係都冇阻我玩同食嘅心，唔信試吓攞盒士多啤梨喺我面前。」相中所見，Audrey實在觸目驚心，難怪陳柏宇心痛爆喊。
