61歲葉童自揭滿頭白髮拒染黑背後原因 提倡優雅老去擁抱真實：我唔想被控制
發佈時間：17:30 2025-02-24 HKT
61歲葉童曾憑《表錯七日情》和《婚姻勿語》兩度摘下金像獎影后殊榮，她與老公陳國熹1988年結婚，雖然膝下無兒女，但結婚三十多年，兩人感情情比金堅。日前葉童現身陳志雲的網台節目《最緊要健康》做嘉賓，當中她大談保養秘訣，更透露未將白髮染黑的原因。
葉童談及身形變化
最近，葉童現身陳志雲的網台節目《最緊要健康》做嘉賓，當日化上淡妝的她留著一頭清爽的銀白色短髮，身穿千鳥格V領外套，完美展現其優雅的肩頸線條。談及身形變化，葉童坦言疫情期間作息規律、減少應酬飲酒，飲食趨向清淡，意外達到自然瘦身效果：「點解我試咗咁多減肥方法都唔得，但係冇諗過減肥就無緣無故瘦咗」。當被問到年齡議題，葉童直言不再刻意扮年輕，並學會接受自己：「其實我一直都扮緊後生，我唔會覺得自己係老，但係當我歲數有返咁上下，譬如話我接受我自己嘅頭髮顏色，我唔再去染頭髮嘅時候，我覺得都係一種接受」，認為接受白髮是自我接納的過程，並強調不應被外表定義。
相關閲讀：61歲影后與老公恩愛去派對 未成年已認識 男方多次攬女擁吻獲撐鬼仔性格
葉童現身陳志雲的網台節目：
葉童自揭滿頭白髮拒染黑背後原因
其後，葉童又透露未有將白髮染黑的原因：「因為我好想知道到底我係點樣，完全唔染係點樣，跟住我就發覺都可以接受，開始嘅時候都有好多人會話你染黑色就靚啦，你咁樣好蒼老，但係慢慢我發覺嗰啲留言有所轉變，然後有好多係好欣賞，覺得好型好有魅力。」然而，當被問到如何看待自己被指外表變殘變老，葉童則表示：「我覺得唔應該淨係接受我嘅外表，其實你都唔清楚真實嘅我係點樣，你只係畀我嘅外表左右你嘅睇法，即係你睇外表係睇得比其他嘢重要」。
相關閲讀：春晚2025｜趙雅芝葉童粉墨登場！一人反串許仙新鮮感十足 香港金像影帝台下拍爛手掌
葉童優雅地老去：
葉童提倡優雅老去擁抱真實
談及審美觀，葉童認為大眾對美的認知過於狹隘，她直言年輕人固然充滿活力，但她認為經歲月刻畫的面容更有張力：「我會望多兩眼，頭髮、髮型、面部歲月嘅故事，我都覺得好吸引」。面對陳志雲詢問醫美經驗，葉童透露自己僅接受基礎護理：「我做啲簡單嘅Facial，我個人比較保守。」葉童指自己怕效果上癮反被控制：「你一見效就會不停咁去追求嗰件事，我唔想被控制。」葉童最後總結優雅老去的關鍵就是與其改變容貌，不如先從接納自我開始，停止與年齡對抗，專注呈現當下最真實的狀態，這種自信本身就是最動人的魅力。
