吳泳偷食已婚健身教練 偷食人夫William疑燒炭自殺

YouTuber小薯茄阿冰（吳冰）的妹妹吳泳本月25日傳出偷食已婚健身教練William，疑為網紅健身教練的新婚妻「FaFa Tse」在IG上嬲爆發文，標籤吳冰爆料，疑似其妹出軌人夫。據指，網紅健身教練結婚時，小薯茄的成員曾去觀禮，又有一齊拍片，估計雙方關係不錯。而小薯茄在事件曝光後，在IG發聲明表示：「立即與該健身教練終止個別成員的贊助合作，就事件為公眾帶來困擾和影響，我們感到抱歉和遺憾。」並提到：「基於事件不牽涉本公司成員，以及涉及他人私隱，我們及後將不會對事件作任何回應，謝謝大家的關心和體諒。」至本月26日，網紅健身教練太太FaFa再於社交平台發文，疑與新婚丈夫說再見，William之後在社交平台連發兩文向太太及受影響的人道歉。到今日（28日）就傳來William燒炭自殺的消息。

William徐偉霖燒炭自殺送院

而到今日（28日）下午4時許，警方接獲報案，指一名28歲姓徐男子疑在長沙灣深盛路9號宇晴軒一單位內燒炭自殺，救援人員趕到現場，發現男子倒卧廁所內，昏迷不醒，旁邊有一盤燃燒中的炭，消息指，事主就是網紅健身教練William徐偉霖。他被送往明愛醫院，其後被轉送至東區尤德夫人那打素醫院治理，警方於現場沒有檢獲遺書，正調查事件。據了解，男子因感情問題不開心。

吳泳IG已刪除 疑似色慾短訊曝光

人妻「FaFa Tse」的老公William有指是一位網紅健身教練，與小薯茄有合作，二人去年11月結婚，「FaFa」的IG有不少婚紗靚相，而二人婚禮當日小薯茄的成員程仁富也有到場。「FaFa」昨日在網上分享開心與朋友聚會，突然變成疑似「捉姦」，「FaFa」今日在IG限時動態出PO，凌晨時分闖入辦公室，更爆出疑似老公及吳泳的色慾短訊。疑為三角關係的主角合照也在網上曝光。吳泳IG現時已經刪除。

新婚人夫太太FaFa連環發文

吳泳疑偷食新婚人夫事件在網上成為熱話，新婚人夫的太太FaFa今日接連出po，直至傍晚6時多，FaFa再發限時動態，留言說：「見到聲明 好支持。本身係觀眾到認識你地 係一種緣份亦係幸運 因為你地真係人好好 無架子 好貼地 而且係你地身上好多觀眾都快樂。」她續說：「尼（呢）件事完全唔關其他人事 只有健身偷食二人組-應該要道歉」、「佢哋自私到為左（咗）性愛x3 唔理後果 辜負所有支持你哋既（嘅）人 影響人地（哋）。對我更加...講唔落去 #親身經歷的痛 #親眼看見的震撼」

及至晚上10時許，新婚人夫的太太FaFa再次更新限時動態，入面標註「End」代表事件完結，當中有一張WhatsApp對話截圖，疑似是FaFa跟小三吳泳的對話。當中疑似是吳泳的一方表示：「對不起，這件事我真的做錯了。我非常後悔，對你所造成的傷害，我做甚麼也無法彌補。但是我很想誠懇地向你道歉，真的很對不起。我保證以後不會再跟他有任何接觸或聯絡，對不起，Wing」，其後FaFa表示：「不要再搞老公，人哋男人，其實真係唔好，你愛惜自己吧」、「我哋已經被你哋破壞咗。一個家，就係咁散。你下次俾人捉姦，快啲着衫走，唔好再瞓喺人哋度」、「你家姐都好慘，你累埋佢」。

此外，FaFa亦加上疑似健身教練人夫的對話：「Sorry老婆，我唔知道有冇機會可以珍惜你，但我真係好愛你，我依家會做嘅係保護番你，唔想你再受委屈。」FaFa表示：「40小時後，事情完，我接受你哋道歉，但已經無需要有結果，我已經冇咗靈魂，搵唔到我個心，周地都係。」、「先散個心，我已經好叻」，疑似表示已原諒一對出軌男女，不過傷害太深，現在需要先作散心。

至今日（26日），新婚人夫的太太FaFa再次更新社交平台，疑似與偷食的新婚丈夫說再見。

新婚人夫的太太FaFa 26日社交平台發文全文：

再也不見。 
多謝鼓勵我既朋友 幫我去鬧賤男同小三既朋友
多謝陪我48個鐘不眠不休既朋友
多謝知道更多內情既時候  更加為我心up而心痛你既人。 
如果唔係你地 我真係會委屈死。心理同生理都支持唔住
我唔想打搞到你哋 但你哋誓願陪實我。我真係好感動

希望可以企反身 美好人間再走一回 。

網上既野 過眼煙雲 加加減減 真真假假 多不勝數 
大家都有自己既事要handle 我地小市民既事不足為奇

但好多謝同感動 陌生人既善意
善良同擔當 買少見少 係一份愛同鼓勵

至於我哋之間 @williamt_wbffpro 
你係我親手揀 無血緣關係既親人
我公開陪你由因到果 我就知尼件事係我承擔緊
你最緊要好男人/自律 既形象 
玩左甘耐 後果要承擔 
好好做個人  做有擔當 責任心 既人

Bye bye

William IG連出兩個道歉post

至26日晚上7時許，William先在社交平台以黑底白字撰文，他以61字向太太及外家道歉，他寫道：「我對唔住老婆。對唔坐我老婆屋企人，全部責任都係我身上，係我偷愉，背叛呢段關係在先，作為老公我由得我老婆承受呢一切，我最錯，要打要鬧，我都受。」約一小時後，William又再次發文。

社交平台發文全文內容：

對於我過去的言行，我深感懊悔。在這段時間裡，我的行為不僅嚴重影響了我的太太及她的家人，也讓關心的朋友們擔憂。在此，我誠摯地向各位致歉。同時，我亦要向小薯茄團隊表示歉意。是次事件不僅對幕前演員造成困擾，更令公司受到不必要的影響。在此，我希望澄清，人富及肥蚊從未涉及任何違法行為，之前的相關言論純屬我一時情急下的說辭。此外，阿冰及小薯茄成員，全因我向妻子介紹為『小薯茄泳泳』，誤導了妻子，我對是次誤導式說話，向妻子及小薯茄深感抱歉。我會深刻反省自己的過失，努力改正，希望能以實際行動彌補過錯，再次向所有受到影響的人誠心道歉。

相關閱讀：吳泳傳偷食人夫丨阿冰妹妹疑與三角關係主角合照曝光 小薯茄多交集程人富任婚禮兄弟

人妻「FaFa Tse」︰我老公偷食小薯茄泳泳

「FaFa」公開的照片中，見到一張半裸女士躺左地上的照片，再配上文字：「我老公偷食小薯茄泳泳」，又有一幅小薯茄泳泳的對話截圖。「FaFa」之後再出影片，見到辦公室內一地衣服，轉角準備上樓梯時，就有一名健壯男士現身，估計男方是「FaFa」的大隻老公。而片中又見到右上角疑有一女子閃閃縮縮，未知是否「FaFa」所指的吳泳。

吳泳疑無著衫

「FaFa」在片中拾起地上的牛仔褲再丟開，留言：「上PT唔洗著褲」。之後又貼出老公的背景，放大字體寫上「出軌」，又稱：「我心目中嘅好男人，我理上（想）老公，作為榜樣嘅老公陪佢行過好多路嘅人，日日SUPPORT佢嘅人。同小薯茄。啊冰個妹搞野（嘢），今次第3次俾我捉姦，衫都無著。」

相關閱讀：吳泳傳偷食人夫丨大婆鬧小薯茄吳冰帶三觀不正妹入侵家庭 被指甩前度撻著現任老公

吳泳疑捲「偷食」男方IG轉私人

「FaFa」相隔一個小時再發文：「其實我真係唔再適合佢，因為我唔再有新鮮感俾到佢，我只係希望唔好有下個學生Flirting pt 同偷食。」「FaFa」指老公是「壞咗嘅人」、「再也不見」。又用17字寫下感受：「親眼見到我真係崩潰，全身震晒就快要暈。」疑似「捉姦」片曝光後，男方的IG帳號已轉為私人。

吳泳疑為樓梯女裝褲主人

「FaFa」今早再在IG限時動態出PO，指「事件發生咗8小時交代全件事」，「FaFa」表示：「我11點名朋友house warming完打算返去我哋嘅健身室踩機，去到門口禁（撳）鐘（我平常懶用鎖匙）等咗好耐無人開，聽到佢由閣樓跑落嚟，開門一刻啱啱著緊衫。本身佢話Fu哥肥man上緊堂，我問人呢？嗰刻我未feel到，直到佢唞大氣唔出聲，樓梯有條無著嘅女裝褲，我問上面係咪有人？佢話：泳泳同肥man唔好上去啦。我問：點解？佢話：佢哋high咗大X。我話：點會啊！佢哋二個一定唔會（其實你點解要連累人？）佢話：唔好上去。唔好做任何嘢，我哋未做未開始。」

相關閱讀：吳泳傳偷食人夫丨小薯茄吳冰曾獲提名金像獎最佳新演員 去年甩拖8年靚仔男友

吳泳被指事後繼續瞓

「FaFa」坦言目睹一刻全個身都震：「我而家打字都仲手震，全個身都震，你目睹心愛嘅人同另一個女人裸體瞓喺到，仲要講句：未開始，個感覺難受過食屎。」「FaFa」期間曾問道：「期間我問William：發生咗幾多次。第幾次呃我。佢話：未開始。我話：到呢刻仲講大話？佢話：3次 #期間小三喺我哋側邊裸體繼續瞓」。「FaFa」出PO後收到好多人關心，她亦在限時動態中感謝：「收到好多dm，感謝你哋。幫我鬧賤男幫我爭返啖氣。我真係好無助好崩潰，當中好多內情我唔敢公開，我忍呢次最後一次對你好@williamt_wbffpro 再也不見」。

小薯茄IG聲明原文：

首先謝謝大家關心，本公司與旗下所有成員同樣透過報導才得悉事情，亦立即與該健身教練終止個別成員的贊助合作，就事件為公眾帶來困擾和影響，我們感到抱歉和遺憾。
鑒於網上出現有關本公司及旗下藝人的不實消息，本公司認為有澄清之必要。本公司及成員對事件並不知情亦不認同，在此嚴正聲明，對於坊間誣蔑參與或涉及任何違法行為更屬無稽，本公司將保留一切法律追究權利。
基於事件不牽涉本公司成員，以及涉及他人私隱，我們及後將不會對事件作任何回應，謝謝大家的關心和體諒。今後，小薯茄將繼續努力如初，專注於我們的工作。
最後，我們再次對事件造成公眾困擾致歉。由於事件中所牽涉非公眾人物，事件亦屬私人事件。我們衷心懇求大家能給予有關人士適當的處理空間，也不希望事情繼續佔用公共資源。
謝謝大家的關心與諒解。

小薯茄