43歲前《東張》主持爆離巢TVB真正原因 太太燃起鬥志 靠4個牌照養家！
發佈時間：18:30 2025-02-26 HKT
43歲的一蚊Joe（游茛維）主持了《東張西望》逾12年，他本月8日在社交網發文宣布離巢，與TVB結束18年的賓主關係。日前，他接受商台《1圈圈》訪問，透露離巢真相，他說：「喺TVB合約3年又3年（續約），已經6個3年，會諗下一個3年又會點，又見唔到自己個位，不如係時間畢業喇！」
26歲參加《一擲千金》
一蚊Joe指自己當時只得26歲剛從加拿大讀完大學返港，他參加《一擲千金》一心想贏獎金幫屋企人減輕供樓壓力，沒料到一個決定，最終只得「1蚊」當場流下男兒淚，他被人鬧住入行，「貪心抵死抵你嘅」，亦因引起迴響，他獲TVB簽約成為旗下藝人。
相關閱讀：譚玉瑛最新病情曝光！一蚊Joe透露恩師康復進度 曾為合作寧分文不收
一蚊Joe爆離巢原因：
TVB續約條件辣大幅度減薪
對於拒續約原因，一蚊Joe指過往自己賺錢自己使錢還可以，但有兩個小朋友分別是8歲和5歲，因此負擔很重，「之前疫情，使到見底，諗住疫情好番啲，但係公司就覺得『嗯…不如你個人工調整吓！』一蚊Joe更在自己的身上橫刀一切，並指調整幅度頗大，續約條件又比較辣，被問是否很大落差？他激動說：「點止有落差，我可以形容真係你啱啱做保安、洗碗，我唔係貶低呢個行業，覺得薪酬未必養得掂我自己，自己都養唔掂更養唔到頭家，最後決定同TVB完約便算。」
相關閱讀：《東張》主持一蚊Joe游茛維離巢！14字總結18年TVB生涯 曾直播生仔惹爭議
一蚊Joe的家庭照：
考獲坊間四大牌照
一蚊Joe很享受娛樂圈這個行業，尤其做司儀，他看到台下有人拍掌很有滿足感，不過跟太太商量過後，太太一句說話，他還是決定離開，他說：「老婆講咗句：『一個男人只要你肯做，照計唔會搵唔到食嘅』。」所以他在離巢前已考獲坊間「四大牌照」，他自豪地說：「地產、地盤、保安、保險考晒，同自己講要為自己打算，打開報紙最多人請就係呢幾個行業，我相信我想做唔會冇嘢做。我參加《一擲千金》前都係做醫療保險，考埋全牌，而家決定唔做TVB就去返老本行做保險。」
相關閱讀：「一蚊Joe」唔理老婆痛到喊 為出位入產房直播生B
主持《東張》12年令他急速成長
一蚊Joe在《東張西望》做了主持12年，他自覺亦有做得不妥的地方，他坦言最近的中環蘇豪區採訪雲咸街槍擊案做得不好，「一定係做得差㗎喇！大家都知，所有行業都係，你一扮老屎窟就會畀人插到飛起，講真你憑咩資格講你有資歷啫，好似依家話自己做了19，實有人話夠有人做咗29、39年，嗰一刻真係唔知點解上咗腦寫埋啲咁嘅post，不過，做《東張》確實成日俾人話新聞唔係新聞，娛樂唔係娛樂，會畀人歧視，我嗌佢行家，佢絕對唔會嗌我行家，我哋採訪一單時事新聞時候，佢哋睇唔起㗎！」他坦言做《東張》經常問到些好白痴的事問題，因此經常被人罵，但自己鍾意做《東張》，節目亦令他急速成長，擴闊人脈。
相關閱讀：Master Joe當年為譚玉瑛唔收騷錢 黎芷珊爆鄭伊健「小秘密」
